En poursuivant votre navigation sans modifier vos paramètres, vous acceptez l'utilisation des cookies ou technologies similaires pour disposer de services et d'offres adaptés à vos centres d'intérêts ainsi que pour la sécurisation des transactions sur notre site. En savoir plus

ܥܹܕܬܐ ܕܩܲܕܝܼܫܵܐ ܝܘܿܚܲܢܵܢ ܡܲܥܡܕܵܢܵܐ ܓܲܘ ܕܵܘܹܝܕܝܼܵܐ

ܢܵܦܠܵܐ ܥܹܕܬܐ ܕܩܲܕܝܼܫܵܐ ܝܘܿܚܲܢܵܢ ܡܲܥܡܕܵܢܵܐ ܕܓܲܘ ܕܵܘܹܝܕܝܼܵܐ ܥܲܠ ܣܸܪܛܵܐ 06 93 08 ݂ 37 ܓܲܪܒܝܵܐܝܼܬ: ܘܥܲܠ ܣܸܪܛܵܐ ܕ 33 08 22 ݂ 43 ܡܲܕܢܚܵܐܝܼܬ: ܘܥܲܠ ܪܵܡܘܼܬܐ ܕ(935) ܡܝܼܬܖܹ̈ܐ ܡܼܢ ܫܲܘܝܘܼܬ݂ ܫܸܛܚܵܐ ܕܝܲܡܵܐ: ܘܢܵܦܠܵܐ ܓܲܘ ܠܸܒܵܐ ܕܡܵܬܐ ݂

ܡܸܬܡܲܨܝܵܢܝܼܬܐ ܝܠܵܗ̇ ܕܥܵܒ݂ܕܲܚ ܦܘܼܚܵܡܵܐ ܒܐܝܼܬܘܼܬܐ ܡܫܝܼܚܵܝܬܐ ܓܲܘ ܕܵܘܹܝܕܝܼܵܐ ܥܲܡ ܡܵܬܘܵܬܐ ܐ݇ܚܖܹ̈ܢܹܐ ܕܓܲܘ ܦܢܝܼܬܐ ݂ ܐܝܼܬ ܛܘܼܝܵܒ݂ܵܐ (حضور) ܩܕܝܼܡܵܝܵܐ ܕܫܲܒ݂ܛܵܐ ܝܗܘܼܕܵܝܵܐ: ܕܦܝܼܫܠܹܗ ܡܘܼܫܚܸܕܐ ܒܝܲܕ ܬܐܘܿܡܵܐ ܫܠܝܼܚܵܐ: ܘܐܲܕܲܝ (ܬ݂ܵܐܕܵܘܸܿܣ) ܘܡܵܐܪܝܼ ݂

ܒܫܘܼܪܵܝܵܐ ܕܲܫܬܝܼܢܵܝܵܬ݂ܐ: ܡܼܢ ܩܕܵܡ ܬܠܵܬܐ ܐܲܣܵܖܹ̈ܐ (عقود) ܡܼܢ ܦܠܵܫܹ̈ܐ ܡܸܬܝܲܒܠܵܢܹ̈ܐ ܒܹܝܬ ܛܲܟ݂ܣܵܐ ܥܝܼܪܵܩܵܝܵܐ ܠܩܘܼܶܖ̈ܕܵܝܹܐ: ܐܝܼܬ ܗ݇ܘܵܐ ܩܘܼܪܒܵܐ ܠ (400) ܝܼܩܖ̈ܵܬܐ ܟܲܠܕܵܝܹ̈ܐ ܘܪܵܒܵܐ ܝܼܩܖ̈ܵܬܐ ܐܵܬܘܿܖ̈ܵܝܹܐ ܡܗܘܼܡܢܹ̈ܐ ܕܥܹܕܬܐ ܕܡܲܕܢܚܵܐ ܓܲܘ ܚܕܵܐ ܡܲܪܥܝܼܬܐ (ܟܲܠܕܵܝܬܐ) ܕܟܹܐ ܡܒܲܝܬܝܵܐ ܐܸܠܵܗ̇ ܡܵܬܐ ܕܕܵܘܹܝܕܝܼܵܐ ݂

ܒܫܲܢ݇ܬܐ ܕ1988: ܦܝܼܫܠܵܗ̇ ܡܘܼܚܪܲܒ݂ܬܐ ܥܹܕܬܐ ܥܲܬܝܼܩܬܐ ܕܩܲܕܝܼܫܵܐ ܝܘܼܚܲܢܵܢ ܡܲܥܡܕܵܢܵܐ: ܘܦܝܼܫܠܗ݇ܘܿܢ ܡܐܲܠܨܹ̈ܐ ܐ݇ܢܵܫܹ̈ܐ ܕܡܵܬܐ ܥܲܠ ܥܪܵܩܵܐ: ܘܦܝܼܫܠܵܗ̇ ܒܢܝܼܬܐ ܥܹܕܬܐ ܚܕܲܬܐ (ܕܝܲܘܡܵܢܵܐ) ܕܩܲܕܝܼܫܵܐ ܝܘܿܚܲܢܵܢ ܒܫܲܢ݇ܬܐ ܕ1991 ݂ ܡܲܚܝܲܝܬܐ ܕܗܵܕܹܐ ܡܵܬܐ ܝܼܠܹܗ ܚܲܕ ܪܸܡܙܵܐ ܠܚܘܼܕܵܬܐ ܡܫܝܼܚܵܝܵܐ ܓܲܘ ܟܘܼܪܕܸܣܬܵܐܢ ܕܥܝܼܪܵܐܩ ݂ ܠܥܲܕ ܚܙܝܼܪܵܢ 2019: ܐܝܼܬ ܗ݇ܘܵܐ (50) ܝܼܩܖ̈ܵܬܐ ܒܸܚܝܵܝܵܐ ܓܲܘ ܕܵܘܹܝܕܝܼܵܐ: ܘܐܝܼܬ ܗ݇ܘܵܐ (25) ܝܼܩܖ̈ܵܬܐ ܡܼܢ ܐ݇ܢܵܫܹ̈ܐ ܕܗܵܕܹܐ ܡܵܬܐ ܓܲܘ ܬܲܘܬܵܒ݂ܘܼܬܐ ݂

ܕܘܼܟܵܐ:

ܢܵܦܠܵܐ ܥܹܕܬܐ ܕܩܲܕܝܼܫܵܐ ܝܘܿܚܲܢܵܢ ܡܲܥܡܕܵܢܵܐ ܕܓܲܘ ܕܵܘܹܝܕܝܼܵܐ ܥܲܠ ܣܸܪܛܵܐ 06 93 08 ݂ 37 ܓܲܪܒܝܵܐܝܼܬ: ܘܥܲܠ ܣܸܪܛܵܐ ܕ 33 08 22 ݂ 43 ܡܲܕܢܚܵܐܝܼܬ: ܘܥܲܠ ܪܵܡܘܼܬܐ ܕ(935) ܡܝܼܬܖܹ̈ܐ ܡܼܢ ܫܲܘܝܘܼܬ݂ ܫܸܛܚܵܐ ܕܝܲܡܵܐ ݂ ܓܲܘ ܠܸܒܵܐ ܕܪܵܓ݂ܘܿܠܵܐ ܕ(ܨܲܦܢܵܐ): ܒܹܝܬ ܛܘܼܪܵܐ ܕ(ܡܲܬܝܼܢܵܐ) ܒܓܲܪܒܝܵܐ: ܕܪܵܡܘܼܬܹܗ ܦܵܠܛܵܐ ܩܘܼܪܒܵܐ ܠ (3000) ܡܝܼܬܖܹ̈ܐ: ܠܒܹܝܬ ܛܘܼܪܵܐ ܕ(ܓܵܪܵܐ) ܓܲܘ ܬܲܝܡܢܵܐ ܒܝܵܬ ܪܵܡܘܼܬܐ[1] ݂

ܢܵܦܠܵܐ ܡܵܬܐ ܕ(ܕܵܘܹܝܕܝܼܵܐ) ܓܲܘ ܠܸܒܵܐ ܕܟܘܼܪܕܸܣܬܵܐܢ ܕܥܝܼܪܵܐܩ ܓܲܘ ܚܕܵܐ ܦܢܝܼܬܐ ܓ̰ܝܘܿܦܘܿܠܝܼܛܝܼܩܵܝܬܐ ܥܲܠ ܒܘܼܥܕܵܐ ܕ(30) ܟܠܡ ܠܬܲܝܡܢܵܐ ܕܬܘܼܪܟܝܼܵܐ: ܥܲܠ ܐܘܼܪܚܵܐ ܪܹܫܵܝܬܐ ܕܲܡܗܲܕܝܵܐ ܠܢܘܼܩܕܬܐ ܕܲܬܦܵܩܬܐ ܕܲܬܚܘܼܡܹ̈ܐ ܥܝܼܖ̈ܵܩܵܝܹܐ ܘܣܘܼܖ̈ܝܵܝܹܐ ܘܬܘܼܖ̈ܟܵܝܹܐ ݂ ܘܢܵܦܠܵܐ ܡܵܬܐ ܒܲܠܚܘܿܕ ܥܲܠ ܒܘܼܥܕܵܐ ܕ(11) ܟܠܡ ܠܡܲܥܪܒ݂ܵܐ ܕ(ܐܵܪܵܕܸܢ): ܕܝܼܗ݇ܘܵܐ ܩܸܢܛܪܘܿܢ ܥܒ݂ܝܼܪܵܐ ܕܐܲܦܸܣܩܘܿܦܘܼܬܐ: ܘܥܲܠ ܒܘܼܥܕܵܐ ܕ(33) ܟܠܡ ܠܡܲܥܪܒ݂ܵܐ ܕܥܵܡܹܝܕܝܼܵܐ ݂

__________

[1] ܪܵܡܘܼܬܐ ܕܲܬܪܲܝܗܘܿܢ ܛܘܼܖ̈ܵܢܹܐ ܠܵܐ ܝܠܵܗ̇ ܬܪܝܼܨܬܐ ܘܩܲܛܝܼܢܬܐ: ܒܗܵܝ ܕܪܵܡܘܼܬܐ ܕ(ܛܘܼܪ ܡܲܬܝܼܢ) ܡܵܛܝܵܐ (ܩܘܼܪܒܵܐ ܠ  1900) ܡܝܼܬܖܹ̈ܐ: ܘܪܵܡܘܼܬܐ ܕ(ܛܘܼܪ ܓܵܪܵܐ = 2151) ܡܝܼܬܖܹ̈ܐ ݂ (ܡܬܲܪܓܡܵܢܵܐ): ܡܼܢ ܐܸܢܬܪܢܝܼܬ: ܝܲܘܡܵܐ ܕܲܥܒ݂ܵܪܵܐ 9 ܒܐܝܼܠܘܿܠ 2023 ݂

 

مشهد من الأقمار الصناعية لكنيسة القديس يوحنا المعمدان.
تشرين الأول 2019 ©Apple Plans

ܚܲܕ ܦܸܣܩܵܐ ܡܼܢ ܬܲܫܥܝܼܬܐ ܡܫܝܼܚܵܝܬܐ:

ܬܲܫܥܝܼܬܐ ܕܲܡܫܝܼܚܵܝܘܼܬܐ ܓܲܘ ܕܵܘܹܝܕܝܼܵܐ ܘܓܲܘ ܡܵܬܘܵܬܐ ܐ݇ܚܖܹ̈ܢܹܐ ܕܓܲܘ ܦܢܝܼܬܐ: ܕܵܡܝܵܢܬܐ ܝܠܵܗ̇: ܐܝܼܬܘܼܬܐ ܩܲܕܝܼܡܬܐ ܕܫܲܒ݂ܛܵܐ ܝܗܘܼܕܵܝܵܐ: ܚܲܪܬܐ ܣܘܼܒܵܪܵܐ ܒܲܡܫܝܼܚܵܝܘܼܬܐ ܒܐܘܼܪܚܵܐ ܕܡܵܪܝ ܬܐܘܿܡܵܐ ܫܠܝܼܚܵܐ ( ܪܵܒܵܐ ܡܸܬܗܲܘܝܵܢܝܼܬܐ ܝܠܵܗ̇ ܕܝܼܠܹܗ ܬܵܐܕܵܘܸܣ ܝܼܕܝܼܥܵܐ ܓܲܘ ܐܹܘܲܢܓܲܠܝܼܘܿܢܹ̈ܐ ܒܝܲܗܘܼܕܵܐ): ܘܡܵܪܝ ܐܲܕܲܝ ܘܡܵܪܝ ܡܵܐܪܝܼ ݂ ܦܝܼܫܠܹܗ ܝܼܕܝܼܥܵܐ ܕܵܪܵܐ ܡܫܝܼܚܵܝܵܐ ܪܒ݂ܝܼܥܵܝܵܐ ܒܲܩܖ̈ܵܝܵܬܐ ܣܲܓܝܼܐܹ̈ܐ: ܘܬܘܼܢܵܝܹ̈ܐ ܥܲܡܡܵܝܹ̈ܐ ܕܲܡܬܲܢܝܼ ܠܚܲܝܹ̈ܐ ܕܣܵܗܕܹ̈ܐ ܕܦܝܼܫܠܗ݇ܘܿܢ ܖ̈ܕܝܼܦܹܐ ܒܝܲܕ ܡܲܠܟܵܐ ܦܵܪܣܵܝܵܐ ܫܵܒܘܼܪ ܬܪܲܝܵܢܵܐ ݂ ܘܓܲܘ ܗܵܢ ܡܸܬܚܵܐ ܝܲܪܝܼܟ݂ܵܐ ܡܼܢ ܡܫܝܼܚܵܝܘܼܬܐ ܒܟ݂ܝܼܪܵܝܬܐ: ܦܝܼܫܠܗ݇ܘܿܢ ܓܲܠܝܹ̈ܐ ܩܸܠܵܝܵܬ̈ܐ ܘܦܝܼܫܠܗ݇ܘܿܢ ܦܖ̈ܝܼܣܹܐ ܕܘܼܟܵܢܹ̈ܐ ܕܲܣܓ݂ܵܕܵܐ: ܘܲܕܪܝܼܓܵܐܝܼܬ ܦܝܼܫܠܗ݇ܘܿܢ ܡܫܘܼܬܐܸܣܹ̈ܐ ܥܹܕܵܬ̈ܐ ܘܕܲܝܖܹ̈ܐ ܐ݇ܣܘܼܖ̈ܝܵܝܹܐ ݂

ܓܲܘ ܡܸܬܚܵܐ ܕܗܵܠܹܝܢ ܕܵܖܹ̈ܐ ܝܲܖ̈ܝܼܟ݂ܐ ܠܥܲܕ ܢܦܵܠܬܐ ܕܐܸܡܦܪܵܛܘܿܪܘܼܬܐ ܥܘܼܬ݂ܡܵܢܵܝܬܐ: ܖ̈ܵܓ݂ܘܿܠܹܐ ܘܛܘܼܖ̈ܵܢܹܐ ܕܒܹܝܬ ܢܲܗܖ̈ܝܼܢ ܚܒ݂ܝܼܨܹ̈ܐ ܝܗ݇ܘܵܘ ܘܲܟܖ̈ܝܼܟ݂ܐ ܒܗܲܝܡܵܢܘܼܬܐ ܡܫܝܼܚܵܝܬܐ: ܘܝܼܗ݇ܘܵܘ ܒܹܝܬ ܓܲܘܣܵܐ ܠܥܹܕܬܐ ܕܡܲܕܢܚܵܐ ݂

ܕܵܪܵܐ ܕ(17) ܘܲܦܪܝܼܫܵܐܝܼܬ ܕܵܪܵܐ ܕ(18): ܝܼܗ݇ܘܵܐ ܟܲܗܝܼܢܵܐ ܩܵܐ ܫܘܼܕܵܖܹ̈ܐ ܩܵܬ݂ܘܿܠܝܼܩܵܝܹ̈ܐ: ܘܫܘܼܢܵܝܵܐ ܕܲܡܗܘܼܡܢܹ̈ܐ ܡܼܢ ܥܹܕܬܐ ܕܡܲܕܢܚܵܐ ܠܥܹܕܬܐ ܟܲܠܕܵܝܬܐ[1] ݂ ܘܲܒܫܲܢ݇ܬܐ ܕ1913 ܡܸܢܝܵܢܲܝܗܝ ܡܵܛܹܐ ܗ݇ܘܵܐ ܠ(300) ܟܲܠܕܵܝܹ̈ܐ[2] ݂

ܡܫܘܼܚܠܸܦܠܵܗ̇ ܐܵܕܫܵܢܵܝܘܼܬܐ ܬܲܘܕܝܼܬܵܢܵܝܬܐ ܘܐܘܼܡܬܵܢܵܝܬܐ: ܠܗܸܢܝܵܢܵܐ ܕܩܘܼܖ̈ܕܵܝܹܐ ܒܚܘܼܬܵܡܵܐ ܕܕܵܪܵܐ ܕ(19): ܘܫܘܼܪܵܝܵܐ ܕܕܵܪܵܐ ܕ(20): ܡܼܢ ܒܵܬܲܪ ܦܲܖ̈ܡܵܢܹܐ ܕ(ܣܲܝܦܘܿ)[3]: ܕܦܝܼܫܠܗ݇ܘܿܢ ܥܒ݂ܝܼܕܹ̈ܐ ܥܲܠ ܡܫܝܼܚܵܝܹ̈ܐ ܒܝܲܕ ܐܸܡܦܪܵܛܘܿܪܘܼܬܐ ܥܘܼܬ݂ܡܵܢܵܝܬܐ: ܘܠܵܐ ܗܘܹܐ ܠܗ݇ܘܿܢ ܐܲܝܟܲܢ̈ܘܵܬܲܝܗܝ ܛܵܒܹ̈ܐ ܘܒܲܣܝܼܡܹ̈ܐ ܬܚܘܿܬ ܫܘܼܠܛܵܢܵܐ ܥܝܼܪܵܩܵܝܵܐ ܒܵܬܲܪ ܫܲܪܝܘܼܬܐ ܕܥܝܼܪܵܐܩ ܒܫܲܢ݇ܬܐ ܕ1932 ݂

__________

[1] ܚܙܝܼ:(ܥܹܕܬܐ ܟܲܠܕܵܝܬܐ ܩܵܬ݂ܘܿܠܝܼܩܵܝܬܐ: ܒܹܝܬ ܐܸܬܡܵܠܝ ܘܐܸܕܝܘܿܡ) ݂ ܩܦܝܼܣܵܐ ܡܼܢ ܡܓ݂ܠܬܐ ܩܸܬ݂ܘܿܠܝܼܩܵܝܬܐ ܦܵܦܵܝܬܐ ܠܫܲܢ݇ܬܐ ܕ 1914: ܐܲܒ݂ܵܐ ܓ̰ܘܼܙܹܝܦ ܬܘܼܦܲܢܟܲܓ̰ܝܼ: 1913 ݂

[2] ܝܵܬ ܡܲܒܘܼܥܵܐ

[3] ܫܸܡܵܐ ܐ݇ܣܘܼܪܝܵܝܵܐ ܠܐܲܒܝܼܕܘܼܬܐ ܟܢܘܼܫܝܵܝܬܐ ܕܐܵܬܘܿܖ̈ܵܝܹܐ ܟܲܠܕܵܝܹ̈ܐ ܐ݇ܣܘܼܖ̈ܝܵܝܹܐ ܒܝܲܕ ܐܸܡܦܪܵܛܘܿܪܘܼܬܐ ܥܘܼܬ݂ܡܵܢܵܝܬܐ ܒܫܸܢܹ̈ܐ 1915 ـ 1918 ݂

كرمة مزروعة على سطح منزل في قرية الداوودية.
يار 2019 © باسكال ماغيسيان / ميزوبوتاميا

ܬܲܫܥܝܼܬܐ ܚܕܲܬܐ ܕܡܵܬܐ ܕܕܵܘܹܝܕܝܼܵܐ ܘܥܹܕܬܐ ܕܩܲܕܝܼܫܵܐ ܝܘܿܚܲܢܵܢ ܡܲܥܡܕܵܢܵܐ:

ܒܫܘܼܪܵܝܵܐ ܕܲܫܬܝܼܢܵܝܵܬܐ: ܘܡܼܢ ܩܕܵܡ ܬܠܵܬܐ ܐܲܣܵܖܹ̈ܐ ܡܼܢ ܦܠܵܫܹ̈ܐ ܐܲܡܝܼܢܵܝܹ̈ܐ ܒܲܝܢܵܬ݂ ܛܲܟ݂ܣܵܐ ܥܝܼܪܵܩܵܝܵܐ ܘ(ܦܹܫܡܲܪܓܵܐ) ܩܘܼܪܕܵܝܬܐ: ܐܝܼܬ ܗ݇ܘܵܐ ܩܘܼܪܒܵܐ ܠ(450) ܝܼܩܖ̈ܵܬܐ ܟܲܠܕܵܝܹ̈ܐ ܘܝܵܬ ܡܸܢܝܵܢܵܐ ܝܼܩܖ̈ܵܬܐ ܐܵܬܘܿܖ̈ܵܝܹܐ ܬܵܒܘܿܥܹ̈ܐ ܠܥܹܕܬܐ ܕܡܲܕܢܚܵܐ[1] ݂

ܣܒܸܠܠܗ݇ܘܿܢ (عانوا) ܟܢܘܼܫܝܹ̈ܐ ܡܫܝܼܚܵܝܹ̈ܐ: ܘܐܵܦ ܘܝܵܪܬܘܼܬܐ ܕܲܡܫܝܼܚܵܝܹ̈ܐ ܥܲܡܘܼܩܵܐܝܼܬ ܡܼܢ ܦܠܵܫܹ̈ܐ ܕܓܲܘ ܟܘܼܪܕܸܣܬܵܐܢ ܕܥܝܼܪܵܐܩ: ܘܲܦܪܝܼܫܵܐܝܼܬ ܒܫܲܢ݇ܬܐ ܕ1988: ܒܥܸܕܵܢ ܣܘܼܥܖ̈ܵܢܹܐ ܕ(ܐܲܢܦܵܐܠ): ܕܡܘܼܚܖܸ̈ܒ݂ܠܗ݇ܘܿܢ ܪܵܒܵܐ ܡܵܬܘܵܬܐ ܘܲܡܒܘܼܖ̈ܒܸܙܠܗ݇ܘܿܢ ܥܵܡܘܿܖ̈ܲܝܗܝ: ܘܦܝܼܫܠܵܗ̇ ܫܡܝܼܛܬܐ ܝܵܪܬܘܼܬܲܝܗܝ ܒ(ܒܘܿܡܒܹ̈ܐ ܘܓܵܖ̈ܘܿܦܹܐ ܡܝܼܟܵܢܝܼܟܵܝܹ̈ܐ)[2] ݂ ܓܲܘ ܦܢܝܼܬܐ ܛܘܼܪܵܝܬܐ ܕ(ܒܲܗܕܝܼܢܵܢ): ܐܲܝܟܵܐ ܕܟܹܐ ܢܵܦܠܵܐ ܡܵܬܐ ܕ(ܕܵܘܹܝܕܝܼܵܐ): ܦܝܼܫܠܗ݇ܘܿܢ ܡܘܼܚܖܸ̈ܒܹܐ ܘܲܬܠܝܼܚܹ̈ܐ ܠܵܐ ܒܵܨܘܿܪܵܐ ܡܼܢ (30) ܡܵܬܘܵܬܐ ܟܲܠܕܵܝܹ̈ܐ ܘ(40) ܥܹܕܵܬܐ ܡܼܢ ܫܲܢ݇ܬܐ ܕ1902 [3] ݂ ܘܗܵܕܟ݂ܵܐ ܦܝܼܫܠܵܗ̇ ܬܠܝܼܚܬܐ ܥܹܕܬܐ ܥܲܬܝܼܩܬܐ ܕܡܵܪܝ ܝܘܿܚܲܢܵܢ ܕܓܲܘ ܕܵܘܹܝܕܝܼܵܐ ܒܫܲܢ݇ܬܐ ܕ1988: ܘܦܝܼܫܠܗ݇ܘܿܢ ܐܲܠܝܼܨܹ̈ܐ ܐ݇ܢܵܫܹ̈ܐ ܕܡܵܬܐ ܕܥܵܪܩܝܼ ݂ ܪܵܒܵܐ ܡܸܢܲܝܗܝ ܡܚܹܐ ܠܗ݇ܘܿܢ ܒܹܝܬ ܓܲܘܣܵܐ ܘܐ݇ܙܸܠܠܗ݇ܘܿܢ ܠܬܲܝܡܢܵܐ ܡܲܕܢܚܵܝܵܐ ܕܬܘܼܪܟܝܼܵܐ: ܡܼܢ ܩܕܵܡ ܕܚܲܕܟܡܵܐ ܡܸܢܲܝܗܝ ܦܵܝܫܝܼ ܛܖ̈ܝܼܕܹܐ ܒܐܲܡܝܼܢܘܼܬ݂ܐ: ܘܲܕܥܵܪܬܐ ܕܚܲܕܟܡܵܐ ܐ݇ܚܖ̈ܵܢܹܐ ܐܝܼܡܲܢ ܕܲܦܪܸܩܠܗ݇ܘܿܢ ܥܲܡܠܹ̈ܐ ܒܥܸܠܕܒ݂ܵܒ݂ܵܝܹ̈ܐ ݂

ܦܝܼܫܠܵܗ̇ ܒܢܝܼܬܐ ܥܹܕܬܐ ܚܕܲܬܐ ܕܡܵܪܝ ܝܘܿܚܲܢܵܢ ܡܲܥܡܕܵܢܐ ܓܲܘ (ܕܵܘܹܝܕܝܼܵܐ) ܒܫܲܢ݇ܬܐ ܕ1991: ܒܙܲܒ݂ܢܵܐ ܕܪܹܫ ܐܲܦܸܣܩܘܿܦܹ̈ܐ ܕܵܘܝܼܕ ܒܲܦܪܘܿ: ܪܹܫܵܢܵܐ ܥܒ݂ܝܼܪܵܐ ܕ(ܟܵܪܝܼܬܵܐܣ) ܕܥܝܼܪܵܐܩ ݂

ܩܝܼܡܠܹܗ ܫܘܼܬܐܵܣܵܐ ܕ(ܟܵܪܝܼܬܵܐܣ) ܕܥܝܼܪܵܐܩ ܒܥܘܼܕܪܵܢܵܐ ܕܲܒܢܵܝܬܐ ܕ(24) ܒܵܬܹ̈ܐ ܓܲܘ ܕܵܘܹܝܕܝܼܵܐ: ܘܒܵܬܲܪܟܸܢ (40) ܒܵܬܹ̈ܐ ܒܡܲܚܫܲܚܬܐ ܘܥܘܼܕܪܵܢܵܐ ܕܘܲܙܝܪܪܵܐ ܥܒ݂ܝܼܪܵܐ ܕܓܲܘ ܟܘܼܪܕܸܣܬܵܐܢ ܕܥܝܼܪܵܐܩ ܡܝܲܩܪܵܐ ܣܵܪܓܝܼܣ ܐܵܓ݂ܵܓ̰ܵܐܢ ݂

ܡܲܚܝܲܝܬܐ ܕܗܵܕܹܐ ܡܵܬܐ: ܝܼܠܹܗ ܚܲܕ ܪܸܡܙܵܐ ܠܚܘܼܕܵܬܐ ܡܫܝܼܚܵܝܵܐ ܓܲܘ ܟܘܼܪܕܸܣܬܵܐܢ ܕܥܝܼܪܵܐܩ ݂ ܠܥܲܕ ܚܙܝܼܪܵܢ 2019: ܐܝܼܬ ܗ݇ܘܵܐ (50) ܝܼܩܖ̈ܵܬܐ ܒܸܚܝܵܝܵܐ ܓܲܘ ܕܵܘܹܝܕܝܼܵܐ: ܘܐܝܼܬ ܗ݇ܘܵܐ (25) ܝܼܩܖ̈ܵܬܐ ܡܼܢ ܗܵܕܹܐ ܡܵܬܐ ܓܲܘ ܬܲܘܬܵܒ݂ܘܼܬܐ[4] ݂

__________

[1] ܚܙܝܼ: “ܟܬܵܒ݂ܵܐ ܟܘܿܡܵܐ ܕܨܲܕܵܐܡ ܚܘܼܣܲܝܢ”: ܛܲܒ݂ܥܵܐ ܕ(ܟܪܝܼܣ ܟܘܿܬܫܝܼܪܵܐ): ܦ 394 ݂

[2] ܝܵܬ ܡܲܒܘܼܥܵܐ: ܦ 396 ݂

[3] ܝܵܬ ܡܲܒܘܼܥܵܐ ݂

[4] ܦܝܼܫܠܗ݇ܘܿܢ ܟܢܝܼܫܹ̈ܐ ܐܲܢܲܝ ܡܲܘܕܥܵܢ̈ܘܵܬܐ ܒܐܘܼܪܚܵܐ ܕܝܲܗܠܵܐ ܕ(ܡܝܼܙܘܿܦܘܿܬܵܡܝܵܐ): ܓܲܘ ܕܵܘܹܝܕܝܼܵܐ ܒܝܘܿܡ 14 ܒܐܝܼܵܪ 2019 ݂

كنيسة القديس يوحنا المعمدان القديمة في الداوودية التي دمرت عام 1988 خلال عملية أنفال.
يار 2019 © باسكال ماغيسيان / ميزوبوتاميا

ܡܫܲܡܗܘܼܬ݂ ܥܹܕܬܐ ܕܩܲܕܝܼܫܵܐ ܝܘܿܚܲܢܵܢ ܡܲܥܡܕܵܢܵܐ ܓܲܘ ܕܵܘܹܝܕܝܼܵܐ:

ܢܵܦܠܵܐ ܥܹܕܬܐ ܕܩܲܕܝܼܫܵܐ ܝܘܿܚܲܢܵܢ ܡܲܥܡܕܵܢܵܐ ܒܲܚܕܵܐ ܡܫܘܼܚܬܐ (مساحة) ܣܟܝܼܪܬܐ: ܐܝܼܬ ܓܵܘܵܗ̇ ܚܕܲܐ ܓܲܢܬܐ ܙܥܘܿܪܬܐ: ܦܝܼܫܠܹܗ ܒܸܢܝܐ ܓܵܘܵܗ̇ ܚܲܕ ܒܸܢܝܵܢܵܐ ܕܸܡܝܵܐ ܠܲܡܥܲܪܬܐ ܕ(ܠܘܿܪܕ) ܠܐܝܼܩܵܪܵܐ ܕܡܲܪܝܲܡ ܒܬܘܼܠܬܐ ݂

ܥܹܕܬܐ ܝܼܠܵܗ̇ ܚܲܕ ܒܸܢܝܵܢܵܐ ܙܥܘܿܪܵܐ ܡܼܢ ܫܡܸܢܬܐ ܦܲܪܙܠܵܝܬܐ: ܐܝܼܬ ܥܲܠ ܫܸܛܚܵܗ̇ ܬܪܹܝܢ ܨܠܝܼܒܹ̈ܐ ܕܡܲܚܙܝܼ ܠܐܸܣܟܹܝܡܵܗ̇ ܡܫܝܼܚܵܝܵܐ ݂ ܡܲܚܵܪܘܼܬܐ ܐܲܪܕܸܟ݂ܠܵܝܬܐ ܓܵܘܵܝܬܐ: ܝܼܠܵܗ̇ ܒܲܕܡܘܼܬ݂ ܚܲܕ ܐܵܘܵܢܵ ܡܵܪܹܐ ܬܠܵܬ ܡܢܵܘܵܬܐ ܦܖ̈ܝܼܫܹܐ ܡܸܚܕܵܕܹ̈ܐ ܒܥܲܡܘܼܕܹ̈ܐ ܡܲܢܕܘܼܖ̈ܬܵܢܵܝܹܐ ݂ ܩܘܼܕܵܫ ܩܘܼܕܫܹܐ ܪܵܡܵܐ ܝܠܹܗ ܩܲܠܝܼܠܵܐܝܼܬ ܡܼܢ ܫܲܘܝܘܼܬ݂ ܐܲܪܥܵܐ: ܘܝܼܠܹܗ ܦܪܝܼܫܵܐ ܡܼܢ ܗܲܝܟܠܵܐ ܒܚܲܕ ܬܲܪܥܵܐ ܬܠܝܼܬܲܝ̈ ܩܸܫܬܵܬ݂ܐ ݂ ܟܵܘܵܬ݂ܵܐ ܕܥܹܕܬܐ ܦܝܼܫܠܗ݇ܘܿܢ ܡܣܲܩܠܹ̈ܐ ܒܣܸܬܖܹ̈ܐ ܡܨܲܒܬܹ̈ܐ (مزخرفة) ܒܬܘܼܩܵܢܹ̈ܐ ܘܣܘܼܟܵܡܹ̈ܐ ܬܲܘܕܝܼܬܵܢܵܝܹ̈ܐ ݂

باب مدخل كنيسة القديس يوحنا المعمدان في الداوودية.
يار 2019 © باسكال ماغيسيان / ميزوبوتاميا

Contribuez à la sauvegarde de la mémoire des monuments.

Photos de famille, vidéos, témoignages, partagez vos documents pour enrichir le site.

Je participe
BESbswy