En poursuivant votre navigation sans modifier vos paramètres, vous acceptez l'utilisation des cookies ou technologies similaires pour disposer de services et d'offres adaptés à vos centres d'intérêts ainsi que pour la sécurisation des transactions sur notre site. En savoir plus

ܥܹܕܬܐ ܕܡܵܪܝ ܓܝܼܘܲܪܓܝܼܣ ܓܲܘ ܒܲܟ݂ܕܹܝܕܹܐ (ܩܲܪܲܩܘܿܫ)

ܢܵܦܠܵܐ ܥܹܕܬܐ ܕܡܵܪܝ ܓܝܼܘܲܪܓܝܼܣ ܥܲܠ ܣܸܪܛܵܐ ܫܛܝܼܚܵܐ 36.26576 ܓܲܪܒܝܵܐܝܼܬ: ܘ 43.37849 ܡܲܕܢܚܵܐܝܼܬ: ܘܥܲܠ ܪܵܡܘܼܬܐ ܕ (272) ܡܝܼܬܪܹ̈ܐ: ܘܥܲܠ ܪܸܚܩܵܝܘܼܬܐ ܕ (30) ܟܠܡ ܠܬܲܝܡܢܵܐ ܡܲܕܢܚܵܝܵܐ ܕܡܲܘܨܸܠ: ܘ(80) ܟܠܡ ܠܡܲܥܪܒ݂ܵܐ ܕܐܲܪܒܸܠ ݂

ܥܹܕܬܐ ܕܡܵܪܝ ܓܝܼܘܲܪܓܝܼܣ ܕܐ݇ܣܘܼܪ̈ܝܵܝܹܐ ܐܲܪܬ݂ܘܿܕܘܿܟܣܵܝܹ̈ܐ ܓܲܘ ܡܵܬܵܐ ܐܲܘ ܡܕܝܼܢ݇ܬܐ ܕܒܲܟ݂ܕܹܝܕܹܐ: ܝܼܠܵܗ̇ ܡܸܙܕܲܘܓܵܢܝܼܬܐ ܒܗܿܝ ܕܐܝܼܬ ܥܹܕܬܐ ܥܲܬܝܼܩܬܐ ܘܥܹܕܬܐ ܚܕܲܬܐ: ܗܵܝ ܩܲܕܡܵܝܬܐ ܙܥܘܿܪܬܐ ܝܠܵܗ̇ ܡܵܪܲܬ ܒܸܢܝܵܢܵܐ ܟܹܐܦܵܝܵܐ: ܘܗܵܝ ܬܪܲܝܵܢܝܼܬܐ ܪܲܒܬܐ ܝܠܵܗ̇ ܘܡܟܘܼܣܹܝܬܐ ܒܩܲܒܵܐ (ܩܘܼܒ̇ܬܐ) ܦܲܪܙܠܵܝܬܐ ݂  ܣܵܗܕܵܐ ܗܵܝ ܩܲܕܡܵܝܬܐ ܥܲܠ ܙܲܒ݂ܢܵܐ ܥܒ݂ܝܼܪܵܐ: ܐܝܼܢܵܐ ܗܵܝ ܬܪܲܝܵܢܝܼܬܐ ܣܵܗܕܵܐ ܥܲܠ ܩܸܪܝܵܢܵܐ ܕܚܘܼܕܵܬܵܐ ݂ ܒܪܲܡ (ܐܝܼܢܵܐ) ܢܦܝܼܠܹ̈ܐ ܝܢܵܐ ܠܕܸܦܢܵܐ ܕܲܚܕܵܕܹ̈ܐ: ܘܲܕܒܝܼܫܹ̈ܐ ܒܲܚܕܵܕܹ̈ܐ ܐܲܝܟ݂ ܚܲܕ ܣܸܪܛܵܐ ܕܲܡܚܲܝܸܕ ܒܹܝܬ ܕܲܥܒ݂ܲܪ ܠܩܵܐܹܡ ݂

 

 


كنيسة مار كوركيس في قره قوش. مخطط الكنيسة الحديثة. 1982  © سهيل قاشا في ” كنائس بخديدا”

 

Plan monument

ܝܲܬܒ݂ܵܐ (ܕܘܼܟܵܐ):

ܢܵܦܠܵܐ ܥܹܕܬܐ ܕܡܵܪܝ ܓܝܼܘܲܪܓܝܼܣ ܥܲܠ ܣܸܪܛܵܐ ܫܛܝܼܚܵܐ 36.26576 ܓܲܪܒܝܵܐܝܼܬ: ܘ 43.37849 ܡܲܕܢܚܵܐܝܼܬ: ܘܥܲܠ ܪܵܡܘܼܬܐ ܕ (272) ܡܝܼܬܪܹ̈ܐ: ܘܥܲܠ ܪܸܚܩܵܝܘܼܬܐ ܕ (30) ܟܠܡ ܠܬܲܝܡܢܵܐ ܡܲܕܢܚܵܝܵܐ ܕܡܲܘܨܸܠ: ܘ(80) ܟܠܡ ܠܡܲܥܪܒ݂ܵܐ ܕܐܲܪܒܸܠ ݂ ܘܟܹܐ ܦܵܝܫܵܐ ܚܫܝܼܒ݂ܬܐ  ܗܵܝ ܡܕܝܼܢ݇ܬܐ ܡܫܝܼܚܵܝܬܐ ܝܲܬܝܼܪ ܪܲܒܬܐ (ܟܲܒܝܼܪܬܐ) ܓܲܘ ܫܸܛܚܵܐ ܕܢܝܼܢܘܹܐ: ܘܐܵܦ ܦܝܼܫܬܐ ܝܠܵܗ̇ ܝܕܝܼܥܬܐ ܠܦܘܼܬ݂ ܝܘܼܠܦܵܢ ܬܲܘܕܝܼܬܐ ܒܫܸܛܵܚܵܐ ܕܐ݇ܣܘܼܪ̈ܵܝܹܐ ݂ ܢܵܦܠܵܐ ܥܹܕܬܐ ܕܡܵܪܝ ܓܝܼܘܲܪܓܝܼܣ ܕܒܲܟ݂ܕܹܝܕܹܐ ܠܬܲܝܡܢܵܐ ܡܲܕܢܚܵܝܵܐ ܕܲܡܕܝܼܢ݇ܬܐ: ܥܲܠ ܐܘܼܪܚܵܐ ܕܐܵܙܵܠ݇ܐ ܠܕܲܝܪܵܐ ܪܲܒܵܐ ܕܡܵܪܝ ܒܸܗܢܵܡ ܘܣܵܪܵܐ ݂

ܠܵܐ ܡܨܹܐ ܠܗ݇ܘܿܢ ܥܲܡܠܹ̈ܐ ܘܲܥܒ݂ܵܕܹ̈ܐ ܕܡܲܚܪܲܒ݂ܬܐ ܘܣܘܼܝܵܒ݂ܵܐ (ܫܲܚܬܲܢܬܐ) ܕܦܝܼܫܠܗ݇ܘܿܢ ܥܒ݂ܝܼܕܹܐ ܒܝܲܕ ܝܲܗܠܹ̈ܐ ܕ (ܕܵܥܹܫ): ܒܹܝܬ 7 ܒܛܲܒܵܚ 2014 ܠܒܹܝܬ 22 ܬܸܫܪܝܼܢ ܩܲܕܡܵܝܵܐ: ܠܵܐ ܡܨܹܐ ܠܗ݇ܘܿܢ ܕܡܲܒܨܸܪܝܼ ܡܼܢ ܫܲܘܦܵܐ ܘܪܵܡܘܼܬܐ ܕܗܵܕܹܐ ܥܹܕܬܐ: ܐܸܠܵܐ ܒܗܸܦܟܵܐ: ܡܫܘܼܪܸܪ ܠܗ݇ܘܿܢ (ܐܵܢܝ݇ ܥܲܡܠܹ̈ܐ ܘܲܥܒ݂ܵܕܹ̈ܐ) ܒܚܲܝܠܵܐ ܘܲܡܩܝܼܡܵܢܘܼܬ݂ ܨܸܒ݂ܝܵܢܵܐ: ܠܫܲܘܦܵܗ̇ ܕܥܹܕܬܐ ܘܪܵܡܘܼܬ݂ ܕܘܼܟܬܵܗ̇ ݂

كنيسة مار كوركيس الحديثة في قره قوش وبرج الأجراس.
حزيران 2017 © باسكال ماغيسيان / ميزوبوتاميا

ܦܸܣܩܵܐ (ܩܸܛܥܵܐ) ܬܲܫܥܝܼܬܵܢܵܝܵܐ:

ܦܝܼܫܠܵܗ̇ ܡܘܼܫܚܸܕܬܐ ܡܕܝܼܢ݇ܬܐ ܕܒܲܟ݂ܕܹܝܕܹܐ ܒܲܡܫܝܼܚܵܝܘܼܬܐ ܐܲܝܟ݂ ܕܲܒܣܘܿܓ݂ܐܵܐ: ܒܕܵܪܵܐ ܫܒ݂ܝܼܥܵܝܵܐ ـ ܘܚܲܕܟܡܵܐ ܟܹܐ ܐܵܡܪܝܼ ܒܚܘܼܬܵܡ ܕܵܪܵܐ ܪܒ݂ܝܼܥܵܝܵܐ ـ ܘܦܝܼܫܠܵܗ̇ ܩܸܢܛܪܘܿܢ ܪܹܫܵܝܵܐ ܠܥܹܕܬܐ ܐ݇ܣܘܼܪܝܵܝܬܐ ܐܲܪܬ݂ܘܿܕܘܿܟܣܵܝܬܐ ܡܼܢ ܩܕܵܡ ܫܘܼܢܵܝܵܐ ܠܩܵܬ݂ܘܿܠܝܼܩܵܝܘܼܬ݂ܐ ܒܕܵܪܵܐ ܕ (18) ݂ ܗܵܢܵܐ ܗܘܼܡܵܣܵܐ ܐܲܪܬ݂ܘܿܕܘܿܟܣܵܝܵܐ ܥܲܬܝܼܩܵܐ: ܡܸܬܓܲܫܡܵܢܵܐ ܝܠܹܗ ܒܝܲܘܡܵܢܵܐ ܒܥܹܕܬܐ ܕܡܵܪܝ ܓܝܼܘܲܪܓܝܼܣ ܓܲܘ ܒܲܟ݂ܕܹܝܕܹܐ (ܩܲܪܲܩܘܿܫ) ݂

ܦܝܼܫܠܵܗ̇ ܡܫܘܼܬܐܸܣܬܐ ܥܹܕܬܐ ܥܲܬܝܼܩܬܐ ܕܡܵܪܝ ܓܝܼܘܲܪܓܝܼܣ ܐܲܝܟ݂ ܕܐܡܸܪܲܢ ܒܕܵܪܵܐ ܫܒ݂ܝܼܥܵܝܵܐ: ܘܡܲܒܘܼܥܵܐ ܝܼܚܝܼܕܵܝܵܐ ܕܡܲܕܟ݂ܘܿܪܹܐ ܝܠܹܗ ܠܗܵܕܹܐ ܡܲܘܕܥܵܢܘܼܬܐ: ܝܼܠܹܗ ܡܝܼܛܪܵܦܘܿܠܹܝܛܵܐ (ܡܲܛܪܵܐܢ) ܦܲܘܠܘܿܣ ܒܸܗܢܵܐܡ ܓܲܘ ܕܪܵܫܹܗ ܕܫܲܢ݇ܬܐ ܕ 1949 ܥܲܠ ܥܹ̈ܕܵܬ݂ܵܐ ܝܲܥܩܘܿܒܵܝܵܬ݂ܐ (ܐ݇ܣܘܼܝܵܝܬܐ ܐܲܪܬ݂ܘܿܕܘܿܟܣܵܝܬܐ) ܓܲܘ ܒܲܟ݂ܕܹܝܕܹܐ (ܩܲܪܲܩܘܿܫ) ݂ ܘܒܚܲܪܬܵܐ ܕܟ݂ܝܼܪܵܐ ܠܹܗ ܒܲܚܒ݂ܝܼܫܵܬ݂ܐ ܕܚܲܕ ܟܬܵܒ݂ܵܐ ܦܪܝܼܫܵܐ ܒܲܨܠܵܘܵܬ݂ܐ ܕܫܲܢ݇ܬܐ ܕ 1270 ݂ ܒܕܵܪܵܐ ܕ (18): ܥܒ݂ܸܪܵܗ̇ ܩܵܬ݂ܘܿܠܝܼܩܵܝܘܼܬ݂ܐ ܚܲܝܠܵܢܵܐܝܼܬ ܓܲܘ ܫܸܛܚܵܐ ܕܢܝܼܢܘܹܐ: ܘܲܦܪܝܼܫܵܐܝܼܬ ܓܲܘ ܒܲܟ݂ܕܹܝܕܹܐ ݂ ܘܲܩܢܹܐ ܠܗ݇ܘܿܢ ܐ݇ܣܘܼܪ̈ܵܝܹܐ ܕܲܡܫܘܼܢܹܐ ܠܗ݇ܘܿܢ ܠܩܵܬ݂ܘܿܠܝܼܩܵܝܘܼܬ݂ܐ ܠܲܦܣܵܣܵܐ ܕܲܒܢܵܝܬܐ ܕܚܲܕ ܡܲܕܒܚܵܐ ܓܲܘ ܥܹܕܬܐ ܕܡܵܪܝ ܓܝܼܘܲܪܓܝܼܣ ݂ ܘܥܹܕܬܐ ܥܗܝܼܕܬܐ ܦܝܼܫܠܵܗ̇ ܡܚܘܼܕܸܬ݂ܬܐ ܒܫܲܢ݇ܬܐ ܕ 1866: ܘܲܠܗܵܫܵܐ ܡܲܒܝܘܿܢܹܐ ܝܠܲܝܗܝ ܒܘܼܥ̈ܕܵܗ̇ ܓܲܠܝܵܐܝܼܬ ܒܕܵܪܵܐ ܕܥܸܣܪܝܼܢ: ܘܡܵܐ ܕܐܝܼܬ ܐܸܕܝܘܿܡ ܡܼܢ ܒܸܢܝܵܢܵܐ ܠܲܝܬ̇ ܠܹܗ ܐ݇ܚܝܵܢܘܼܬ݂ܐ ܒܗܵܘ ܡܸܢܕܝܼ ܕܐܝܼܬ݂ ܗ݇ܘܵܐ ܒܫܲܒ݂ܥܝܼܢܵܬ݂ܐ ݂ ܡܼܢ ܙܲܒ݂ܢܵܐ ܕܲܒܢܵܝܬܐ ܕܥܹܕܬܐ ܚܕܲܬܐ: ܦܝܼܫܠܵܗ̇ ܚܫܝܼܒ݂ܬܐ ܗܵܝ ܥܲܬܝܼܩܬܐ ܐܲܝܟ݂ ܚܲܕ ܒܸܢܝܵܢܵܐ ܪܵܒܵܐ ܦܫܝܼܛܵܐ ܡܬܘܼܪܨܵܐ ܡܼܢ ܥܲܦܪܵܐ ܘܡܼܢ ܓܹܨܵܐ ܘܲܫܡܸܢܬܐ ܦܲܪܙܠܵܝܬܐ ݂ ܥܹܕܬܐ ܕܡܵܪܝ ܓܝܼܘܲܪܓܝܼܣ ܕܒܲܟ݂ܕܹܝܕܹܐ: ܝܼܠܵܗ̇ ܚܕܵܐ ܥܹܕܬܐ ܢܘܼܟ݂ܪܵܝܬܐ ܕܚܵܒ݂ܫܵܐ ܬܠܵܬܐ ܩܲܒܼܪ̈ܵܘܵܬܐ ܙܥܘܿܪܹ̈ܐ ܚܲܕ ܒܵܬܲܪ ܗܿܘ ܐ݇ܚܹܪ݇ܢܵܐ: ܘܡܵܐ ܕܲܦܝܵܫܵܐ ܝܠܹܗ ܡܸܢܵܗ̇ ܠܝܲܘܡܵܢܵܐ: ܒܸܪܡܵܙܵܐ ܝܠܹܗ ܠܫܘܼܒ݂ܚܵܐ ܕܝܵܪܬܘܼܬܵܗ̇ ݂

ܠܗܵܫܵܐ (ܠܗܵܠܵܐ) ܚܵܒ݂ܫܵܐ ܥܹܕܬܐ ܕܡܵܪܝ ܓܝܼܘܲܪܓܝܼܣ ܠܲܬܪܹܝܢ ܟܬܝܼ̈ܒܵܬܐ ܕܘܼܟ݂ܪ̈ܵܢܵܝܹܐ: ܐܵܡܹܪ ܓ̰ܵܐܢ ܡܘܿܪܝܼܣ ܦܝܼܝܹܗ ܐܝܼܡܲܢ ܕܲܥܒ݂ܸܕ ܠܹܗ ܣܵܥܘܿܪܘܼܬ݂ܐ ܐܸܠܵܗ̇ ܒܕܵܪܵܐ ܥܒ݂ܝܼܪܵܐ: ܚܕܵܐ ܡܼܢ ܟܬ݂ܝܼܒ݂ܵܬܐ ܐܵܡܪܵܐ ܠܲܢ ܒܘܼܕ ܡܲܪܥܵܐ ܕܫܲܪܥܘܼܛܵܐ ܕܲܫܪܹܐ ܠܹܗ ܓܲܘ ܒܲܟ݂ܕܹܝܕܹܐ ܒܫܲܢ݇ܬܐ ܕ 1773 ܠܡܵܪܲܢ: ܗܿܘ ܕܲܩܛܸܠ ܠܹܗ ܠܟܠܲܝܗܝ ܐ݇ܢܵܫܹ̈ܐ ܕܒܲܟ݂ܕܹܝܕܹܐ ܝܲܬ̇ܝܼܪ ܚܲܣܝܼܪ: 4000 ܩܛܝܼܠܹ̈ܐ: ܡܸܢܲܝܗܝ 52 ܟܵܗܢܹ̈ܐ ܘܲܡܫܲܡܫܵܢܹ̈ܐ ݂ ܘܗܵܝ ܬܪܲܝܵܢܝܼܬܐ ܐܵܡܪܵܐ ܠܲܢ ܒܘܼܕ ܚܦܵܪܬܐ ܕܒܹܝܪܵܐ ܕܒܲܟ݂ܕܹܝܕܹܐ ܒܫܲܢ݇ܬܐ ܕ 1739 ݂

كنيسة مار كوركيس القديمة في قره قوش. الجانب الشرقي.
حزيران 2017 © باسكال ماغيسيان / ميزوبوتاميا

ܡܵܪܝ ܓܝܼܘܲܪܓܝܼܣ ܥܲܬܝܼܩܬܐ: ܡܵܪܝ ܓܝܼܘܲܪܓܝܼܣ ܚܕܲܬܐ:

ܐܲܝܟ݂ ܕܡܘܼܢܗܸܪܲܢ ܕܥܹܕܬܐ ܥܲܬܝܼܩܬܐ ܙܥܘܿܪܬܐ ܝܠܵܗ̇: ܘܥܹܕܬܐ ܚܕܲܬܐ ܟܲܒܝܼܪܬܐ ܝܠܵܗ̇: ܗܵܝ ܩܲܕܡܵܝܬܐ ܣܵܗܕܵܐ ܠܝܘܼܒܵܠܵܐ ܥܒ݂ܝܼܪܵܐ ܘܗܵܝ ܬܪܲܝܵܢܝܼܬܐ ܣܵܗܕܵܐ ܠܩܸܪܝܵܢܵܐ ܐܲܘ ܐܸܣܟܹܝܡܵܐ ܚܲܕܬܐ ݂ ܐܲܢܲܝ ܬܪܹܝܢ ܒܸܢܝܵܢܹ̈ܐ ܟܹܐ ܡܫܲܬܐܸܣܝܼ ܠܚܲܕ ܩܸܢܛܪܘܿܢ ܪܘܼܚܵܢܵܝܵܐ ܪܹܫܵܝܵܐ: ܘܟܹܐ ܢܵܩܦܝܼ ܠܗ݇ܘܿܢ ܒܸܢܝܵܢܹ̈ܐ ܐ݇ܚܹܪ̈݇ܢܹܐ ܠܲܥܒ݂ܵܕܵܐ ܕܬܸܫ̈ܡܫܵܬ݂ܐ ܥܹܕ̈ܬܵܢܵܝܵܬ݂ܐ ݂

ܓܲܘ ܓܲܢܬܐ ܕܥܹܕܬܐ ܐܲܝܟܵܐ ܕܚܵܒ݂ܫܵܐ ܗ݇ܘܵܐ ܒܚܲܕ ܙܲܒ݂ܢܵܐ ܒܹܝܬ ܩܒ݂ܘܼܪܵܐ: ܣܵܡܹܟ݂ (ܟܵܠܹܐ) ܓܵܘܵܗ̇ ܚܲܕ ܨܲܠܡܵܐ ܪܲܒܵܐ ܕܡܵܪܝ ܓܝܼܘܲܪܓܝܼܣ ܡܬܘܼܪܨܵܐ ܡܼܢ ܫܡܸܢܬܐ: ܟܲܕ ܗܿܘ ܒܸܩܛܵܠܵܐ ܠܚܸܘܝܵܐ: ܐܲܒܟ݂ ܪܸܡܙܵܐ ܠܡܲܕܢܚܵܐ ܡܫܝܼܚܵܝܵܐ: ܗܵܢ ܨܲܠܡܵܐ ܦܝܼܫܠܹܗ ܡܘܼܚܪܸܒ݂ܵܐ ܒܐܝܼܕܵܬ݂ܐ ܚܲܢܦܹ̈ܐ ܒܥܝܼܪ̈ܵܝܹܐ ܕܵܥܫܝܹܵܐ ܩܵܛܘܿܠܹ̈ܐ ݂

كنيسة مار كوركيس في قره قوش. داخل الكنيسة. الجانب الشرقي.
حزيران 2017 © باسكال ماغيسيان / ميزوبوتاميا

ܛܸܒܹ̈ܐ ܐ݇ܚܵܪ̈ܵܝܹܐ:

ܕܠܵܐ ܦܘܼܫܵܟ݂ܵܐ ܛܥܸܢܹܗ ܡܵܪܝ ܓܝܼܘܲܪܓܝܼܣ ܒܟܠܹܗ ܡܸܬܚܵܐ ܕܚܲܝܹ̈ܗ: ܝܘܼܩܪܵܐ ܕܓܲܝܣܹ̈ܐ ܨܵܦܘܿܚܹ̈ܐ ܕܲܡܨܹܐ ܠܗ݇ܘܿܢ ܕܥܵܒ݂ܪܝܼ ܠܒܲܟ݂ܕܹܝܕܹܐ ݂ ܘܲܠܒܝܼܫܘܼܬ݂ ܓܲܕܵܐ: ܓܲܘ ܨܦܵܚܬܐ ܐ݇ܚܵܪܵܝܬܐ: ܘܫܒ݂ܘܿܩ ܡܼܢ ܚܪܵܒ݂ܵܐ ܘܣܘܼܝܵܒ݂ܵܐ (ܫܲܚܬܲܢܬܐ): ܦܝܼܫܠܹܗ ܡܫܘܼܚܠܦܵܐ ܒܸܢܝܵܢܵܐ ܬܲܘܕܝܼܬܵܢܵܝܵܐ ܠܕܘܼܟܬܐ ܕܲܡܬܲܪܲܨܬܐ ܕܲܡܦܲܩܥܵܬ݂ܐ (ܒܘܼܡܒܹ̈ܐ) ܘܲܠܡܵܐܢܹ̈ܐ ܡܦܲܩܥܵܢܹ̈ܐ ݂ ܘܐܵܦ ܚܙܹܐ ܠܵܗ̇ ܥܹܕܬܐ ܠܲܚܪ̈ܵܒ݂ܹܐ ܕܲܩܪܵܒ݂ܵܐ (ܦܠܵܫܵܐ) ܕܲܡܚܲܪܪܲܬܐ ܕܒܲܟ݂ܕܹܝܕܹܐ ܒܬܲܡܘܿܙ ܫܲܢ݇ܬܐ ܕ 2016 ݂ ܘܗܵܕܟ݂ܵܐ: ܩܪܵܒ݂ܵܐ ܡܚܘܼܒܸܠ ܠܹܗ (ܡܘܼܚܪܸܒ݂ ܠܹܗ) ܠܒܘܼܪܓܵܐ ܕܙܲܓܵܐ ܕܝܼܠܹܗ ܡܲܥܠܵܢܵܐ (ܬܲܪܥܵܐ ܪܲܒܵܐ) ܕܒܸܢܝܵܢܵܐ ݂ ܗܲܝܟܠܵܐ ܓܲܪܡܵܝܵܐ ܕܥܹܕܬܐ: ܕܲܦܝܵܫܵܐ ܝܠܹܗ ܚܸܙܝܵܐ ܡܼܢ ܪܘܼܚܩܵܐ: ܣܵܗܹܕ ܥܲܠ ܥܸܢܦܵܐ ܘܲܪܕܘܼܦܝܼܐ ܕܒܸܡܪܵܥܵܐ ܝܠܵܗ̇ ܡܸܢܲܝܗܝ ܝܵܪܬܘܼܬܐ ܡܫܝܼܚܵܝܬܐ ܕܲܡܕܝܢ݇ܬܐ ܕܒܲܟ݂ܕܹܝܕܹܐ ݂ ܐ݇ܣܘܼܪ̈ܵܝܹܐ ܐܲܪ̈ܬ݂ܘܿܕܘܿܟܣܵܝܹ̈ܐ ܝܼܗ݇ܘܵܘ ܒܨܝܼܪܘܼܬܐ ܓܲܘ ܒܲܟ݂ܕܹܝܕܹܐ: ܘܲܥܪܵܩܬܐ ܕ ܫܲܢ݇ܬܐ ܕ 2014 ܡܘܼܥܒ݂ܸܕܠܵܗ̇ ܕܒܸܫ ܒܵܨܹܪ ܡܸܢܝܵܢܲܝܗܝ ܘܐܝܼܬܘܼܬܲܝܗܝ: ܐܝܼܢܵܐ ܥܲܡ ܗܵܕܹܐ ܟܠܵܗ̇: ܩܝܼܡܠܗ݇ܘܿܢ ܡܗܘܼܡܢܹ̈ܐ ܕܡܲܪܥܝܼܬܐ ܒܢܲܩܕܘܼܬܐ (ܬܲܡܲܣܬܐ): ܘܲܫܩܵܠܬܐ ܕܚܸܠܵܐ (ܬܘܿܙ) ܡܼܢ ܥܲܠ ܥܹܕܬܐ ܕܲܟܢܝܼܫܵܐ ܝܗ݇ܘܵܐ (ܓ̰ܡܝܼܥܵܐ) ܥܲܠܵܗ̇ ܠܡܸܬܚܵܐ ܕܲܬܠܵܬܵܐ ܫܸܢܹ̈ܐ ݂ ܘܡܼܢ ܛܵܒ݂ܘܼܬ݂ ܓܲܕܵܐ: ܦܝܼܫܠܹܗ ܢܛܝܼܪܵܐ ܓܵܘܵܝܵܐ ܕܥܹܕܬܐ: ܗܿܘ ܡܸܢܕܝܼ ܕܲܫܒ݂ܸܩ ܠܹܗ ܕܕܵܥܪܝܼ ܡܗܘܼܡܢܹ̈ܐ ܕܡܲܪܥܝܼܬܐ ܠܲܡܕܝܼܢ݇ܬܲܝܗܝ ܬܲܫܥܝܼܬܵܢܵܝܬܐ ܘܲܠܥܹܕܬܲܝܗܝ ܩܲܕܝܼܫܬܐ: ܠܲܩܝܵܡܵܐ ܒܲܨ̈ܠܵܘܵܬ݂ܐ ܚܕܵܐ ܓܵܗܵܐ ܐ݇ܚܹܪܬܐ ݂

كنيسة مار كوركيس في قره قوش. اطلالة على برج الأجراس ضمن مدينة محمية من قبل وحدات الشرطة المسيحية في سهل نينوى.
تموز 2017 © باسكال ماغيسيان / ميزوبوتاميا

Contribuez à la sauvegarde de la mémoire des monuments.

Photos de famille, vidéos, témoignages, partagez vos documents pour enrichir le site.

Je participe
BESbswy