ܡܲܨܝܵܐ ܠܐܝܼܡܵܪܵܐ ܕܡܲܘܬܒ݂ܵܐ ܕܒܵܙܝܵܐܢ: ܝܼܠܹܗ ܛܘܼܦ̮ܣܵܐ ܝܼܚܝܼܕܵܝܵܐ ܠܡܲܘܬܒ݂ܵܐ ܐܲܬ݂ܪܵܝܵܐ ܝܵܪܬܘܼܬܵܢܵܝܵܐ ܡܫܝܼܚܵܝܵܐ ܓܲܘ ܥܝܼܪܵܐܩ: ܕܲܗܘܹܐ ܠܹܗ ܥܸܠܬܐ ܕܗܘܝܼ ܚܦܵܪ̈ܝܵܬ݂ܐ ܝܘܼܠܦܵܢܵܝܹ̈ܐ ܒܝܲܕ ܡܫܲܕܪܘܼܬܐ ܦܪܲܢܣܵܝܬܐ ـ ܥܝܼܪܵܩܵܝܬܐ ݂ ܘܕܝܼܠܵܝܵܬ݂ܐ ܡܲܚܵܪ̈ܵܝܹܐ ܐܵܪ̈ܕܸܟ݂ܠܵܝܹܐ ܥܹܕܵܬܵܢܵܝܹ̈ܐ ܒܸܕ ܫܵܒ݂ܩܝܼ ܠܹܗ ܕܗܵܘܹܐ ܛܘܼܦ̮ܣܵܐ ܦܪܝܼܫܵܐ ܒܐܵܕܫܹܗ: ܒܥܸܠܬܐ ܕܡܲܕܒܚܵܐ ܦܲܠܓܘܿ ܚܘܼܕܪܵܢܵܝܵܐ (ܒܹܝܡܵܐ ܦܵܐܹܫ ܡܘܼܦܠܚܵܐ ܠܡܲܟܪܘܿܙܹܐ ܡܸܠܬܐ ܕܡܵܪܲܢ): ܥܲܡ ܕܘܼܟܵܢܹ̈ܐ ܕܝܼܬܵܒ݂ܬܐ ܕܝܼܠܲܝܗܝ ܒܲܠܩܘܼܒ݂ܠ ܕܐܲܬ݂ܪܵܐ ܡܩܲܕܫܵܐ: ܕܐ݇ܣܝܼܪܹ̈ܐ ܝܠܲܝܗܝ ܒܲܚܕܵܕܹ̈ܐ ܒܡܸܨܥܵܝܘܼܬܐ ܕܚܲܕ ܡܲܥܒܪܵܐ ܐܲܘ ܫܩܵܩܘܿܢܵܐ ܙܥܘܿܪܵܐ ܡܬܲܚܡܝܼ ܠܹܗ ܣܸܟܪܹ̈ܐ ܟܘܼܦܵܢܹ̈ܐ ݂

ܠܦܘܼܬ݂ ܝܘܼܒܵܠܵܐ: ܫܸܪܫܵܐ ܕܥܹܕܬܐ ܕܡܲܕܢܚܵܐ ܡܒܲܝܬ̇ܝܼ ܠܲܫܠܝܼܚܹ̈ܐ ܘܲܡܣܲܒ݂ܪ̈ܵܢܹܐ ܬܐܘܿܡܵܐ ܘܡܵܐܪܝܼ: ܘܦܝܼܫܬܐ ܝܠܵܗ̇ ܐ݇ܡܝܼܪܬܐ ܕܦܝܼܫܠܗ݇ܘܿܢ ܡܣܲܒ݂ܪܹ̈ܐ (ܡܘܼܫܚܸܕܹ̈ܐ) ܩܲܕܡܵܐܝܼܬ: ܟܢܘܼܫܝܹ̈ܐ ܝܗܘܼܕܵܝܹ̈ܐ ܕܘܼܟܬܵܢܵܝܹ̈ܐ ܒܲܡܫܝܼܚܵܝܘܼܬ݂ܐ ݂

ܣܘܼܥܪܵܢܵܐܝܼܬ (ܦܪܵܩܛܝܼܩܵܐܝܼܬ) ܥܒܸܪܵܗ̇ ܥܹܕܬܐ ܕܡܲܕܢܚܵܐ ܕܐܵܬܘܿܪ̈ܵܝܹܐ ܓܲܘ ܬܲܫܥܝܼܬܐ ܕܲܦܢܝܼܬܐ: ܡܼܢ ܩܕܵܡ ܬܠܵܬܐ ܕܵܪܹ̈ܐ ܡܼܢ ܨܦܵܚܬܐ ܥܲܪܒ݂ܵܝܬܐ ܠܐܲܬ݂ܪܵܐ ܕܒܹܝܬ ܢܲܗܪ̈ܝܼܢ ܒܫܲܢ݇ܬܐ ܕ 637: ܘܝܲܬܝܼܪܵܐܝܼܬ ܡܼܢ ܕܵܪܵܐ ܪܒ݂ܝܼܥܵܝܵܐ: ܘܒܸܕܟ݂ܵܪܵܐ ܝܘܲܚ ܠܪܵܒܵܐ ܣܵܗܕܹ̈ܐ ܕܦܝܼܫܠܗ݇ܘܿܢ ܪ̈ܕܝܼܦܹܐ ܘܲܩܛܝܼܠܹ̈ܐ ܒܝܲܕ ܡܲܠܟܵܐ ܦܵܪܣܵܝܵܐ ܫܵܒܘܼܪ ܬܪܲܝܵܢܵܐ

ܝܲܠܝܼܦܹ̈ܐ ܐܵܡܪܝܼ ܕܥܹܕܬܐ ܕܝܼܠܵܗ̇ ܓܲܘ ܡܲܘܬܒ݂ܵܐ ܕܒܵܙܝܵܐܢ ܐܲܬ݂ܪܵܝܵܐ: ܝܼܠܵܗ̇ ܡܼܢ ܣܘܼܥܪ̈ܵܢܹܐ ܘܥܲܡܠܹ̈ܐ ܕܲܡܫܝܼܚܵܝܹ̈ܐ ܕܡܲܠܠܝܼ ܒܠܸܫܵܢܵܐ ܐ݇ܣܘܼܪܝܵܝܵܐ ܩܘܼܪܒ݂ܵܒ݂ܵܐ ܕܕܵܪܵܐ ܫܬܝܼܬܵܝܵܐ ݂ ܝܲܠܝܼܦ ܐܲܬ݂ܪܹ̈ܐ ܒܪܝܼܛܵܢܵܝܵܐ ܟܠܘܿܕܝܘܿܣ ܓ̰ܹܝܡܸܣ ܪܹܝܬܸܫ: ܫܟܸܚܠܹܗ (ܚܙܹܐ ܠܹܗ) ܠܡܲܘܬܒ݂ܵܐ ܕܒܵܙܝܵܐܢ ܒܦܲܠܓܵܐ ܩܲܕܡܵܝܵܐ ܡܼܢ ܕܵܪܵܐ ܬܫܲܥܣܝܼܪܵܝܵܐ: ܐܸܠܵܐ ܩܲܡ ܡܲܝܕܸܥܠܹܗ ܦܲܘܕܵܐܝܼܬ ܕܝܼܠܹܗ: ܚܕܵܐ ܚܵܢܘܼܬܐ ܐܲܘ ܕܘܼܟܵܐ ܕܡܲܢܝܘܿܚܹܐ ݂

ܘܒܵܬܲܪ ܚܲܕ ܡܸܬܚܵܐ: ܦܝܼܫܠܹܗ ܚܸܙܝܵܐ ܗܵܢ ܡܲܘܬܒ݂ܵܐ ܒܬܲܦܩܘܿ ܒܚܘܼܬܵܡܵܐ ܕܕܵܪܵܐ ܕܥܸܣܪܝܼܢ: ܒܐܘܼܪܚܵܐ ܕܚܲܕܟܡܵܐ ܚܦܵܪ̈ܝܵܬ݂ܐ ܕܦܝܼܫܠܗ݇ܘܿܢ ܥܒ݂ܝܼܕܹ̈ܐ ܡܸܛܠ ܡܸܬ݂ܚܵܢܹ̈ܐ (تمديدات) ܕܡܲܝܵܐ: ܒܚܲܪܬܐ ܦܝܼܫܠܹܗ ܡܛܲܡܪܵܐ ܗܵܢ ܡܲܘܬܒ݂ܵܐ ܥܲܡ ܚܒ݂ܵܠ ݂ ܒܛܲܝܒܘܼܬܐ ܕܗܵܢܵܐ ܫܟܵܚܵܐ (݀إكتشاف): ܦܝܼܫܠܗ݇ܘܿܢ ܥܒ݂ܝܼܕܹ̈ܐ ܚܦܵܪ̈ܝܵܬ݂ܐ ܥܝܼܪ̈ܵܩܵܝܹܐ ܩܲܕܡܵܝܹ̈ܐ ܒܚܘܼܬܵܡܵܐ ܕܲܬܡܵܢܝܼ̈ܢܵܝܵܬ݂ܐ: ܘܦܝܼܫܠܗ݇ܘܿܢ ܟܸܠܝܹ̈ܐ ܒܥܸܠܬܐ ܕܲܩܪܵܒ݂ܵܐ ܕܒܲܪܩܵܩܵܐ (حرب الخليج) ܩܲܕܡܵܝܵܐ: ܕܲܒܗܵܕܹܐ ܐܘܼܪܚܵܐ ܫܟܸܚܠܗ݇ܘܿܢ (ܡܘܫܟ̰ܸܚܠܗ݇ܘܿܢ) ܠܥܹܕܬܐ ݂ ܘܲܚܦܵܪ̈ܝܵܬ݂ܐ ܦܝܼܫܠܗ݇ܘܿܢ ܥܒ݂ܝܼܕܹ̈ܐ ܒܫܲܢ݇ܬܐ ܕ 2011 ܬܚܘܿܬ ܚܵܝܘܿܪܘܼܬܐ ܕܦܵܢܣܵܐܢ ܕܝܼܪܘܿܫ ( CNRS, UMR 8167 ): ܘܢܵܪܡܝܼܢ ܥܲܠܝܼ ܡܘܼܚܲܡܲܕ ܐܲܡܝܼܢ (ܒܹܝܬ ܨܲܘܒܵܐ ܕܨܲܠܵܗܲܕܝܼܢ ܓܲܘ ܐܲܪܒܹܝܠ ـ ܟܘܼܪܕܸܣܬܵܐܢ ܕܥܝܼܪܵܐܩ): ܐܲܝܟܵܐ ܕܲܗܘܹܐ ܠܵܗ̇ ܡܸܬܡܲܨܝܵܢܝܼܬܐ ܠܲܡܬܲܚܘܿܡܹܐ ܚܲܕ ܫܒ݂ܝܼܠܵܐ: ܘܫܸܫܠܬܐ ܙܲܒ݂ܢܵܝܬܐ: ܘܫܸܕܬ݂̈ܐ ܕܗܲܝܟܠܹ̈ܐ ݂

ܕܝܼܠܵܝܵܬ݂ܐ ܓܵܘܵܢܵܝܹ̈ܐ ܕܒܸܢܝܵܢܵܐ ܠܵܐ ܫܵܒ݂ܩܝܼ ܠܲܢ ܕܝܵܕܥܲܚ ܕܗܵܢܵܐ ܡܲܘܬܒ݂ܵܐ: ܕܲܝܪܵܐ ܝܗ݇ܘܵܐ ܐܲܘ ܚܕܵܐ ܥܹܕܬܐ ܙܥܘܿܪܬܐ ܘܲܦܫܝܼܛܬܐ: ܐܝܼܢܵܐ ܐܝܼܬܘܼܬܐ ܕܗܵܢ ܒܸܢܝܵܢܵܐ ܡܚܲܣܢܵܐ (المحصن) ( ܠܵܐ ܡܲܨܝܵܐ ܕܗܵܘܹܐ ܒܸܢܝܵܐ ܐܸܠܵܐ ܒܲܦܣܵܣܵܐ ܕܫܘܼܠܛܵܢܵܐ ܣܵܣܵܢܵܝܵܐ: ܕܡܲܦܠܸܚ ܗ݇ܘܵܐ ܒܗܿܘ ܙܲܒ݂ܢܵܐ ܠܥܹܕܵܬ̈ܐ ܢܸܣܛܘܼܪ̈ܢܵܝܵܬ݂ܐ ܘܡܘܿܢܘܿܦܝܼ̈ܙܝܵܬ݂ܐ ܐܲܝܟ݂ ܫܒ݂ܝܼܠܵܐ ܠܫܲܠܛܲܢܬܐ ܥܲܠ ܬܵܒܘܿܥܹ̈ܗ ܡܫܝܼܚܵܝܹ̈ܐ ܪ̈ܵܒܹܐ)[1] ݂

ܗܿܘ ܒܸܢܝܵܢܵܐ ܕܡܸܬܚܲܙܝܵܢܵܐ ܝܠܹܗ ܓܲܘ ܡܲܘܬܒ݂ܵܐ ܐܲܬ݂ܪܵܝܵܐ: ܦܝܼܫܠܹܗ ܒܸܢܝܵܐ ܡܼܢ ܟܹܐܦܹ̈ܐ ܐ݇ܣܝܼܪܹ̈ܐ ܒܲܚܕܲܕܹ̈ܐ ܒـ (ܕܝܼܓ̰ܘܿܣ): ܕܝܼܠܹܗ ܚܲܕ ܐܵܕܫܵܐ ܡܼܢ ܓܹܨܵܐ ܕܘܼܟܬܵܢܵܝܵܐ ܚܲܝܠܵܢܵܐ[2] ݂ ܘܦܝܼܫܠܹܗ ܚܫܝܼܒ݂ܵܐ ܗܵܢ ܡܲܘܬܒ݂ܵܐ: ܕܝܼܠܹܗ ܚܲܕ ܒܸܢܝܵܢܵܐ ܚܲܝܠܵܢܵܐ ܘܲܡܪܲܒܥܵܐ ܒܓܘܼܫܡܵܐ ܙܥܘܿܪܵܐ (36) ܡܝܼܬܪܹ̈ܐ[3] ݂ ܘܡܵܦܵܐ ܪܫܝܼܡܵܐ ܒܝܲܕ ܚܕܵܐ ܡܫܲܕܪܘܼܬ݂ܐ ܦܪܲܢܣܵܝܬܐ ܠܒܵܙܝܵܐܢ ܒܫܲܢ݇ܬܐ ܕ 2011: ܦܫܝܼܛܵܐ ܝܠܹܗ ܘܚܵܒܹܫ ܐܲܪܒܥܵܐ ܒܘܼܪ̈ܓܹܐ ܓܲܘ ܙܵܘܝܵܬ݂ܐ ܕܒܸܢܝܵܢܵܐ: ܘܐܝܼܬ ܚܲܕ ܒܘܼܪܓܵܐ ܒܦܲܠܓܵܐ ܕܟܠ ܚܸܣܢܵܐ ݂ ܘܗܵܢܵܐ ܒܸܢܝܵܢܵܐ ܡܚܲܣܢܵܐ ܐܲܘ ܚܲܣܝܼܢܵܐ(الحصين)ܘܲܦܫܝܼܛܵܐ: ܗܘܵܝܵܐ ܝܠܹܗ ܦܬܝܼܚܵܐ ܘܡܸܬ݂ܡܲܨܝܵܢܵܐ ܠܲܨܦܵܚܵܐ ݂ ܟܠܲܝܗܝ ܡܲܥܠܵܢܹ̈ܐ ܐܲܘ ܬܲܪ̈ܥܵܢܹܐ ܟܹܐ ܚܵܝܪܝܼ ܥܲܠ ܕܵܪܬܐ ܕܒܸܢܝܵܢܵܐ ܕܢܵܦܠܵܐ ܒܬܲܝܡܢܵܐ: ܘܩܸܛܪܵܐ ܕܥܹܕܬܐ ܫܛܝܼܚܵܐ ܝܗ݇ܘܵܐ: ܘܝܘܼܪܟ݂ܵܐ ܐܲܘ ܡܸܬܚܵܢܵܐ (امتداد) ܕܐܝܼܬ ܠܓܹܒܵܐ ܕܡܲܕܢܚܵܐ: ܝܼܠܹܗ ܚܕܵܐ ܡܫܘܼܚܬܐ ܫܪܝܼܬܐ ܒܝܵܬܵܗ̇ ݂ ܘܲܡܫܲܕܪܘܼܬ݂ܐ ܦܪܲܢܣܵܝܬܐ ܓܲܘ ܒܵܙܝܵܐܢ: ܚܵܫܒ݂ܵܐ ܕܒܸܢܝܵܢܵܐ ܝܼܠܹܗ ܚܕܵܐ ܥܹܕܬܐ ܙܥܘܿܪܬܐ (ܒܹܝܬ ܨܠܘܿܬܐ: ܡܨܲܠܝܵܐ): ܕܦܝܼܫܠܵܗ̇ ܡܘܼܦܠܲܚܬܐ ܐܲܝܟ݂ ܒܹܝܬ݂ ܩܒ݂ܘܼܪܵܐ: ܒܥܸܠܬܵܐ ܕܐܝܼܬܘܼܬܐ ܕܪܵܒܵܐ ܟܵܘܵܬ݂̈ܐ ܙܥܘܿܪܹ̈ܐ ܥܲܠ ܓܘܼ̈ܕܵܢܵܗ̇.

_______

[1] ܡܲܒܘܼܥܵܐ ܥܒ݂ܝܼܪܵܐ: ܦܵܢܣܵܐܢ ܕܝܼܪܘܿܫ: ܡܕܲܒܪܵܢܵܐ ܕܲܒܨܵܝܹ̈ܐ ܓܲܘ ( CNRS, UMR 8167 ) ܡܲܕܢܚܵܐ ܘܡܸܨܥܵܝܵܐ: ܦܵܪܝܼܣ ݂

[2] ܡܲܒܘܼܥܵܐ ܥܒ݂ܝܼܪܵܐ: ܦܵܢܣܵܐܢ ܕܝܼܪܘܿܫ: ܡܕܲܒܪܵܢܵܐ ܕܲܒܨܵܝܹ̈ܐ ܓܲܘ ( CNRS, UMR 8167 ) ܡܲܕܢܚܵܐ ܘܡܸܨܥܵܝܵܐ: ܦܵܪܝܼܣ ݂

[3] ܡܲܒܘܼܥܵܐ ܥܒ݂ܝܼܪܵܐ: ܦܵܢܣܵܐܢ ܕܝܼܪܘܿܫ: ܡܕܲܒܪܵܢܵܐ ܕܲܒܨܵܝܹ̈ܐ ܓܲܘ ( CNRS, UMR 8167 ) ܡܲܕܢܚܵܐ ܘܡܸܨܥܵܝܵܐ: ܦܵܪܝܼܣ ݂

ܐܲܬ݂ܪܵܐ ܡܩܲܕܫܵܐ (ܡܲܕܒܚܵܐ) ܡܬ݂ܝܼܚ ܐܸܣܟܹ̇ܝܡܐ ܝܠܹܗ (مستطيل الشكل): ܘܪܸܚܩܵܐ ܝܠܹܗ ܒܚܲܕܟܡܵܐ ܦܵܣܘܿܥܝܵܬ݂ܐ ܡܼܢ ܗܲܝܟܠܵܐ ܟܠܵܣܝܼܟܵܝܵܐ ܕܥܹܕܬܐ: ܕܐܝܼܬ ܓܲܘ ܡܲܚܵܪܘܼܬܐ ܬܲܘܕܝܼܬܢܵܝܬܐ ܕܥܹܕܬܐ ܕܡܲܕܢܚܵܐ: ܘܥܹܕܵܬ̈ܐ ܐ݇ܣܘܼܪ̈ܝܵܝܵܬ݂ܐ ܕܓܲܘ ܥܵܠܡܵܐ ݂ ܘܥܲܡ ܗܵܕܹܐ: ܡܸܢܕܝܼ ܕܲܫܒ݂ܵܩܵܐ ܝܠܹܗ ܕܥܹܕܬܐ ܗܵܘܝܵܐ ܦܪܝܼܫܬܐ: ܝܼܠܹܗ ܡܲܥܒܪܹ̈ܐ ܐܲܘ ܫܩܵܩܘܿܢܹ̈ܐ ܕܐܝܼܬ݂ ܓܲܘ ܗܲܝܟܠܵܐ ݂ ܘܣܘܼܥܪܵܢܵܐܝܼܬ: ܚܙܹܐ ܠܗ݇ܘܿܢ ܝܲܠܝܼܦܹ̈ܐ ܕܐܲܬ݂ܪܹ̈ܐ (ܐܲܪ̈ܟܝܘܿܠܘܿܓ̰ܵܝܹܐ) ܓܲܘ ܗܲܝܟܠܵܐ ܕܒܸܢܝܵܢܵܐ ( ܚܲܕ ܗܲܝܟܠܵܐ ܕܪܵܒܵܐ ܓܵܗܹ̈ܐ ܦܵܐܹܫ ܕܟ݂ܝܼܪܵܐ ܓܲܘ ܓܘܼܫܡܹ̈ܐ: ܐܸܠܵܐ ܒܵܨܘܿܪܵܐ ܓܵܗܹ̈ܐ ܦܵܐܹܫ ܫܟܝܼܚܵܐ ܥܲܠ ܐܲܪܥܵܐ: ܡܲܕܒܚܵܐ ܦܲܠܓܘܿ ܚܘܼܕܪܵܢܵܝܵܐ ܥܲܡ ܕܘܼܟܵܢܹ̈ܐ ܕܝܼܬܵܒ݂ܬܐ ܕܝܼܠܲܝܗܝ ܒܲܠܩܘܼܒ݂ܠ ܕܐܲܬ݂ܪܵܐ ܡܩܲܕܫܵܐ: ܕܐ݇ܣܝܼܪܹ̈ܐ ܠܲܝܗܝ ܒܲܚܕܵܕܹ̈ܐ ܒܡܸܨܥܵܝܘܼܬܐ ܕܚܲܕ ܡܲܥܒܪܵܐ ܐܲܘ ܫܩܵܩܘܿܢܵܐ ܙܥܘܿܪܵܐ ܡܬܲܚܡܝܼ ܠܹܗ ܣܸܟܪܹ̈ܐ ܟܘܼܦܵܢܹ̈ܐ) ݂ ܓܲܘ ܣܘܿܓ݂ܐܵܐ ܕܥܹܕܵܬ̈ܐ ܐ݇ܣܘܼܪ̈ܝܵܝܵܬ݂ܐ: ܐܵܢܲܢܩܵܝܬܐ ܝܗ݇ܘܵܐ ܕܗܵܘܝܼ ܗ݇ܘܵܘ ܗܲܝܟܠܹ̈ܐ ܪܹ̈ܫܵܝܹܐ ܐܲܘ ܐܸܣܵܝܹ̈ܐ ܕܥܹܕܬܐ ܡܬܲܪ̈ܨܹܐ ܡܼܢ ܩܲܝܣܵܐ: ܐܝܼܢܵܐ ܗܲܝܟܠܵܐ ܕܝܼܠܹܗ ܒܒܵܙܝܵܐܢ ܡܬܲܪܨܵܐ ܝܠܹܗ ܡܼܢ ܟܹܐܦܵܐ ݂ ܐܵܡܹܪ ܦܵܢܣܵܐܢ ܕܝܼܪܘܿܫ ܥܲܠ ܗܵܢ ܡܠܘܿܐܵܐ (ܦܝܼܫܠܹܗ ܡܫܲܚܠܦܵܐ ܐܸܣܟܹܝܡܵܐ ܐܲܘ ܚܸܙܘܵܐ ܕܗܲܝܟܠܵܐ ܒܥܸܕܵܢ ܚܦܵܪ̈ܝܵܬ݂ܐ ܩܲܕܡܵܝܹ̈ܐ): ܘܣܵܗܹܕ ܕ(ܡܸܬܡܲܨܝܵܢܝܼܬܐ ܝܠܵܗ̇ ܝܼܕܵܥܬܐ ܕܒܸܢܝܵܢܵܐ ܥܲܬܝܼܩܵܐ ܕܗܵܢܵܐ ܡܲܘܬܒ݂ܵܐ)[1] ݂

_______

[1] ܡܲܒܘܼܥܵܐ ܥܒ݂ܝܼܪܵܐ: ܦܵܢܣܵܐܢ ܕܝܼܪܘܿܫ: ܡܕܲܒܪܵܢܵܐ ܕܲܒܨܵܝܹ̈ܐ ܓܲܘ ( CNRS, UMR 8167 ) ܡܲܕܢܚܵܐ ܘܡܸܨܥܵܝܵܐ: ܦܵܪܝܼܣ ݂

ܦܝܼܫܠܗ݇ܘܿܢ ܫܟܝܼܚܹ̈ܐ (ܚܸܙܝܹ̈ܐ) ܚܲܕܟܡܵܐ ܠܘܼܚܹ̈ܐ ܟܹܐܦܵܝܹ̈ܐ ܡܨܲܒܬܹ̈ܐ (ܡܣܲܩܠܹ̈ܐ) ܒܲܨܠܝܼܒ݂ܵܢܹ̈ܐ ܘܨܘܼܒܵܬܹ̈ܐ ܓܸܠܵܝܹ̈ܐ: ܓܲܘ ܐܲܪܥܵܐ ܕܥܹܕܬܐ ܒܡܸܨܥܵܝܘܼܬ݂ܐ ܕܲܚܦܵܪ̈ܝܵܬܹܐ ܥܝܼܪ̈ܵܩܵܝܹܐ ܒܫܸܢܹ̈ܐ ܕ 1987 ـ 1990: ܘܦܝܼܫܠܗ݇ܘܿܢ ܫܟܝܼܚܹ̈ܐ ܨܠܝܼܒ݂ܵܢܹ̈ܐ ܬܲܦܢܟ݂ܵܝܹ̈ܐ ܠܲܡܫܝܼܚܵܝܹ̈ܐ ܡܗܘܼܡܢܹ̈ܐ ܕܥܹܕܬܐ ܕܡܲܕܢܚܵܐ ݂ ܘܥܲܡ ܗܵܕܹܐ: ܦܝܼܫܠܗ݇ܘܿܢ ܫܟܝܼܚܹ̈ܐ ܚܲܕܟܡܵܐ ܫܪ̈ܵܓ݂ܹܐ ܙܲܝܬܵܝܹ̈ܐ ܓܲܘ ܐܵܘܵܢܵܐ ܕܒܹܝܬ݂ ܐܲܘܨܪܵܐ (مخزن): ܓܵܠܝܼ ܕܦܝܼܫܹ̈ܐ ܝܠܲܝܗܝ ܡܘܼܦܠܚܹ̈ܐ ܒܨܝܼܪܵܐܝܼܬ ܠܥܲܕ ܕܵܪܵܐ ܕ(11) ݂ ܘܥܲܡ ܗܵܕܹܐ: ܐܝܼܬ ܒܨܝܼܪܘܼܬܐ ܓܲܘ ܡܲܒܘܼܥܹ̈ܐ ܡܵܨܝܵܢܹ̈ܐ ܕܲܡܫܲܪܸܪܝܼ ܕܡܲܘܬܒ݂ܵܐ ܕܒܵܙܝܵܐܢ: ܝܼܗ݇ܘܵܐ ܓܲܘ ܬܸܫܡܸܫܬܐ ܘܲܒܦܘܼܠܚܵܢܵܐ ܩܵܐ ܡܗܘܼܡܢܹ̈ܐ ݂

ܫܲܘܦܵܢܹ̈ܐ ܐ݇ܚܪ̈ܵܢܹܐ ܕܓܲܘ ܡܲܘܬܒ݂ܵܐ: ܐܝܼܬ ܠܗ݇ܘܿܢ ܚܘܼܫܵܚܹ̈ܐ ܥܝܵܕܵܝܹ̈ܐ ܕܥܲܣܩܵܐ ܝܠܵܗ̇ ܓܵܗܵܬ݂ܐ ܡܬܲܚܲܒܬܲܝܗܝ: ܘܲܦܪܝܼܫܵܐܝܼܬ ܓܲܘ ܡܢܵܬ݂ܐ ܬܲܝܡܢܵܝܬܐ ܡܲܥܪܒ݂ܵܝܬܐ: ܕܲܚܪܸܒ݂ܠܵܗ̇ ܒܥܸܠܬܐ ܕܐܲܒܘܼܒܹ̈ܐ (أنابيب) ܚܲܕܬܹ̈ܐ ܕܡܲܝܵܐ[1] ݂ ܒܦܲܠܓܵܐ ܕܚܸܣܢܵܐ: ܐܝܼܬ ܒܹܐܪܵܐ: ܐܸܠܵܐ ܓܲܘ ܓܲܪܒܝܵܐ ܡܲܥܪܒ݂ܵܝܵܐ: ܐܝܼܬ ܚܕܵܐ ܐܵܘܵܢܵܐ ܝܲܪܝܼܟ݂ܬܐ ܠܕܸܦܢܵܐ ܕܫܘܼܪܵܐ: ܚܵܒ݂ܫܵܐ ܚܕܵܐ ܫܸܫܠܬܐ ܡܼܢ ܬܲܠܡܹ̈ܐ ܪ̈ܲܒܹܐ: ܘܝܼܗ݇ܘܵܐ ܐܲܝܟ݂ ܚܲܕ ܒܹܝܬ ܐܲܘܨܪܵܐ ܟܢܘܼܫܝܵܝܵܐ ܩܵܐ ܥܵܡܘܿܪܹ̈ܐ: ܐܲܘ ܒܹܝܬ ܐܲܘܨܪܵܐ ܬܲܓܵܪܵܝܵܐ[2] ݂

ܢܵܦܠܝܼ ܒܵܬܹ̈ܐ ܕܥܵܡܘܿܪܹ̈ܐ ܓܲܘ ܓܲܪܒܝܵܐ ܡܲܕܢܚܵܝܵܐ ܕܚܸܣܢܵܐ: ܗ: ܕ: ܒܓܲܪܒܝܵܐ ܕܥܹܕܬܐ ܚܕܵܪ̈ܲܝ ܕܵܪܬܐ ݂ ܟܒܲܪ ܐܝܼܬ ܗ݇ܘܵܐ ܠܹܗ ܚܸܣܢܵܐ: ܚܲܕ ܡܸܕܝܵܪܵܐ ܚܵܒܹܫ ܗ݇ܘܵܐ (ܚܕܵܐ ܣܸܡܲܠܬܐ ܕܲܡܗܲܕܝܵܐ ܠܲܡܢܵܬ݂ܐ ܥܸܠܵܝܬܐ ܕܫܘܼܪܵܐ ܓܲܪܒܝܵܝܵܐ): ܘܐܵܦ ܐܝܼܬ ܕܘܼܟܵܢܹ̈ܐ ܐܲܘ ܫܲܘܦܵܢܹ̈ܐ ܠܚܲܕܟܡܵܐ ܚܘܼܦܵܛܹ̈ܐ ܐܘܼܡܵܢܵܝܹ̈ܐ ܐܲܘ ܫܘܼܓ݂݇ܠܵܢܹ̈ܐ ܕܐܝܼܕܵܐ ݂ ܘܝܲܠܝܼܦܹ̈ܐ ܕܐܲܬ݂ܪܹ̈ܐ ܫܟܸܚܠܗ݇ܘܿܢ ܪܵܒܵܐ ܫܘܼܪ̈ܵܢܹܐ ܕܦܝܼܫܹ̈ܐ ܝܠܲܝܗܝ ܒܸܢܝܹ̈ܐ ܒܲܬܪܹܝܢ ܐܲܘ ܒܲܬܠܵܬܐ ܡܸܕܝܵܪܹ̈ܐ ݂ ܡܼܢ ܓܹܒܵܐ ܐ݇ܚܪܹܢܵܐ: ܥܹܕܬܐ ܘܒܸܢܝܵܢܹ̈ܐ ܐ݇ܚܪ̈ܵܢܹܐ: ܩܘܼܪܒܵܐ ܝܠܲܝܗܝ ܠܙܲܒ݂ܢܵܐ ܕܡܲܫܩܠܵܐ ܩܲܕܡܵܝܵܐ ܡܼܢ ܒܸܢܝܵܢܵܐ ܕܫܘܼܪܵܐ ݂ ܠܗܵܕܹܟ݂ ܐܵܡܪܝܼ ܘܣܵܝܡܝܼ ܝܲܠܝܼܦܲܝ̈ ܐܲܬ݂ܪܹ̈ܐ ܘܐܵܦ ܒܵܨܘܿܝܹ̈ܐ: ܚܲܕ ܪܸܥܝܵܢܵܐ ܝܘܼܠܦܵܢܵܐ ܕܐܵܡܹܪ: (ܗܵܕܹܐ ܠܵܐ ܝܠܵܗ̇ ܥܹܕܬܐ ܐܲܘ ܕܲܝܪܵܐ ܡܚܲܣܢܹ̈ܐ ܐܲܘ ܚܲܣܝܼܢܹ̈ܐ: ܐܸܠܵܐ ܝܼܠܹܗ ܚܲܕ ܕܘܼܟܵܐ ܥܝܵܕܵܝܵܐ ܕܓܵܘܹܗ ܦܝܼܫܠܵܗ̇ ܒܢܝܼܬܐ ܚܕܵܐ ܥܹܕܬܐ ܐܲܘ ܚܲܕ ܕܲܝܪܵܐ ܥܲܡ ܚܲܣܝܼܢܘܼܬ݂ܐ: ܘܚܲܪܬܐ ܝܼܠܹܗ ܕܘܼܟܵܐ ܕܚܲܕܟܡܵܐ ܡܓܲܒܝܹ̈ܐ ܣܵܣܵܢܵܝܹ̈ܐ ܕܲܚܦܸܩܠܗ݇ܘܿܢ ܠܲܡܫܝܼܚܵܝܘܼܬܐ ܕܩܲܡ ܫܵܒ݂ܩܵܐ ܠܗ݇ܘܿܢ ܕܕܵܒ݂ܚܝܼ ܡܘܼܠܟܵܢܹ̈ܐ ܦܪ̈ܝܼܫܹܐ ܩܵܐ ܥܹܕܬܐ)[3] ݂

_______

[1] ܡܲܒܘܼܥܵܐ ܥܒ݂ܝܼܪܵܐ: ܦܵܢܣܵܐܢ ܕܝܼܪܘܿܫ: ܡܕܲܒܪܵܢܵܐ ܕܲܒܨܵܝܹ̈ܐ ܓܲܘ ( CNRS, UMR 8167 ) ܡܲܕܢܚܵܐ ܘܡܸܨܥܵܝܵܐ: ܦܵܪܝܼܣ ݂

[2] ܡܲܒܘܼܥܵܐ ܥܒ݂ܝܼܪܵܐ: ܦܵܢܣܵܐܢ ܕܝܼܪܘܿܫ: ܡܕܲܒܪܵܢܵܐ ܕܲܒܨܵܝܹ̈ܐ ܓܲܘ ( CNRS, UMR 8167 ) ܡܲܕܢܚܵܐ ܘܡܸܨܥܵܝܵܐ: ܦܵܪܝܼܣ ݂

[3] ܡܲܒܘܼܥܵܐ ܥܒ݂ܝܼܪܵܐ: ܦܵܢܣܵܐܢ ܕܝܼܪܘܿܫ: ܡܕܲܒܪܵܢܵܐ ܕܲܒܨܵܝܹ̈ܐ ܓܲܘ ( CNRS, UMR 8167 ) ܡܲܕܢܚܵܐ ܘܡܸܨܥܵܝܵܐ: ܦܵܪܝܼܣ ݂

ܐܲܝܟܲܢ̈ܘܵܬ݂ܐ ܕܡܲܘܬܒ݂ܵܐ ܕܒܵܙܝܵܐܢ ܠܐܲܦܲܝ̈ ܚܪܵܒ݂ܵܐ ܝܠܵܗ̇ ܘܲܣܪܵܝܵܐ: ܓܘܼܕܵܢܹ̈ܐ ܦܝܼܫܠܗ݇ܘܿܢ ܬܠܝܼܚܹ̈ܐ ܒܥܸܠܬܐ ܕܫܘܼܓ݂݇ܠܵܢܹܐ ܕܲܚܦܵܪ̈ܝܵܬ݂ܐ ݂ ܥܝܵܕܵܐܝܼܬ ܟܹܐ ܦܵܐܹܫ ܕܒ݂ܝܼܪܵܐ ܐܲܘ ܣܟܝܼܪܵܐ ܡܲܘܬܒ݂ܵܐ ܒܚܲܕ ܣܸܟܪܵܐ: ܘܟܹܐ ܐܵܬܝܼ ܐܸܠܹܗ ܚܲܕܟܡܵܐ ܪ̈ܵܥܝܹܐ ܕܥܵܢܹ̈ܐ: ܕܗܵܕܹܐ ܚܸܙܝܵܐ ܠܲܢ ܒܝܘܿܡ 31 ܒܐܝܼܵܪ 2018 ݂ ܫܲܪܝܼܪܵܐܝܼܬ ܐܝܼܬ ܚܲܕ ܢܵܛܘܿܪܵܐ ܕܢܵܛܹܪ ܠܡܲܘܬܒ݂ܵܐ: ܐܸܠܵܐ ܐܝܼܬ ܣܢܝܼܩܘܼܬ݂ܐ ܠܡܲܬܘܿܒ݂ܹܐ ܬܚܘܼܡܵܐ ܠܲܚܪܵܒ݂ܵܐ ܐܵܬ݂ܝܵܢܵܐ ܒܕܲܥܬܝܼܕ ݂