ܥܹܕܬܐ ܕܡܲܪܝܲܡ ܒܬܘܼܠܬܐ ܕܟ݂ܝܼܬܐ (ܐܲܛܛܵܗܝܼܪܵܐ) ܕܐ݇ܣܘܼܖ̈ܵܝܹܐ ܩܵܬ݂ܘܿܠܝܼܩܵܝܹ̈ܐ ܓܲܘ ܒܲܓ݂ܕܵܕ
ܢܵܦܠܵܐ ܥܹܕܬܐ ܕܡܲܪܝܲܡ ܒܬܘܼܠܬܐ ܕܟ݂ܝܼܬܐ ܕܐ݇ܣܘܼܖ̈ܵܝܹܐ ܩܵܬ݂ܘܿܠܝܼܩܵܝܹ̈ܐ ܥܲܠ ܣܸܪܛܵܐ ܕ33 18 20 ݂ 33 ܓܲܪܒܝܵܐܝܼܬ: ܘܥܲܠ ܣܸܪܛܵܐ ܕ42 44 23 ݂ 44 ܡܲܕܢܚܵܐܝܼܬ: ܘܥܲܠ ܪܵܡܘܼܬܐ ܕ(44) ܡܝܼܬܖܹ̈ܐ ܡܼܢ ܫܲܘܝܘܼܬ݂ ܫܸܛܚܵܐ ܕܝܲܡܵܐ ܥܲܠ ܣܸܦܬܐ ܡܲܕܢܚܵܝܬܐ ܕܢܲܗܪܵܐ ܕܕܸܩܠܵܬ: ܓܲܘ ܡܲܫܪܝܼܬܐ ܕ(ܫܘܼܪܓ̰ܵܐ ـ ܥܲܩܕܸܠܢܲܨܵܪܵܐ): ܚܲܕ ܡܼܢ ܡܲܫܖ̈ܝܵܬܐ ܛܵܒ݂ ܥܲܬܝܼܩܹ̈ܐ ܕܓܲܘ ܒܲܓ݂ܕܵܕ: ܠܕܸܦܢܵܐ ܕܥܹܕܬܐ ܕܐܸܡܵܐ ܕܚܲܫܹ̈ܐ ܕܟܲܠܕܵܝܹ̈ܐ ݂
ܦܝܼܫܠܵܗ̇ ܡܫܘܼܬܐܲܣܬܐ ܥܹܕܬܐ ܩܲܕܡܵܝܬܐ ܕܐ݇ܣܘܼܖ̈ܵܝܹܐ ܩܵܬ݂ܘܿܠܝܼܩܵܝܹ̈ܐ ܓܲܘ ܒܲܓ݂ܕܵܕ ܒܫܲܢ݇ܬܐ ܕ1842 ݂ ܘܟܲܕ ܪܵܒܵܐ ܙܥܘܿܪܬܐ ܝܗ݇ܘܵܐ: ܦܝܼܫܠܗ݇ܘܿܢ ܙܒ݂ܝܼܢܹ̈ܐ ܚܲܕܟܡܵܐ ܐܲܖ̈ܥܵܬܹܐ ܘܒܵܬܹ̈ܐ ܫܒ݂ܵܒܹ̈ܐ ܠܥܹܕܬܐ: ܠܲܒܢܵܝܵܐ ܥܹܕܬܐ ܚܕܲܬܐ ܕܡܲܪܝܲܡ ܒܬܘܼܠܬܐ ݂ ܡܫܘܼܪܹܐ ܠܹܗ ܒܸܢܝܵܢܵܐ ܒܝܲܘܡܵܐ ܕ20 ܒܟܵܢܘܿܢ ܬܪܲܝܵܢܵܐ ܕܫܲܢ݇ܬܐ ܕ1862: ܘܲܦܪܸܩܠܹܗ ܒܝܲܘܡܵܐ ܕ6 ܒܟܵܢܘܿܢ ܩܲܕܡܵܝܵܐ ܡܼܢ ܝܵܬ ܫܲܢ݇ܬܐ ݂ ܘܦܝܼܫܠܵܗ̇ ܦܬܝܼܚܬܐ ܥܹܕܬܐ ܒܝܲܘܡܵܐ ܕ8 ܒܟܵܢܘܿܢ ܩܲܕܡܵܝܵܐ ܕܫܲܢ݇ܬܐ ܕ1862: ܕܝܼܠܹܗ ܥܹܐܕܵܐ ܕܲܒܛܝܼܢܘܼܬ݂ܐ ܕܠܵܐ ܡܘܼܡܵܐ ݂
ܡܼܢ ܒܵܬܲܪ ܫܒ݂ܵܩܬܐ ܕܐ݇ܣܘܼܖ̈ܵܝܹܐ ܩܵܬ݂ܘܿܠܝܼܩܵܝܹ̈ܐ ܠܗܵܕܹܐ ܡܲܫܪܝܼܬܐ ܥܲܬܝܼܩܬܐ: ܘܲܪܚܵܫܬܲܝܗܝ ܠܨܘܿܒ ܡܲܫܪܝܼܬܐ ܚܕܲܬܐ ܕ(ܟܲܪܵܕܵܐ): ܦܝܼܫܠܵܗ̇ ܡܘܼܗܡܲܝܬܐ ܥܹܕܬܐ ܕܡܲܪܝܲܡ ܒܬܘܼܠܬܐ ܕܟ݂ܝܼܬܐ: ܘܲܣܪܹܐ ܠܵܗ̇ ܐܲܝܟܲܢܘܵܬܵܗ̇ ܕܪܝܼܓ݂ܵܐܝܼܬ ݂ ܒܚܘܼܬܵܡܵܐ ܕܟܵܢܘܿܢ ܩܲܕܡܵܝܵܐ ܡܼܢ ܫܲܢ݇ܬܐ ܕ2018: ܦܝܼܫܠܵܗ̇ ܬܠܝܼܚܬܐ ܥܹܕܬܐ ܒܵܬܲܪ ܥܒ݂ܵܪܬܐ ܕ156 ܫܸܢܹ̈ܐ ܥܲܠ ܦܘܼܬܵܚܵܗ̇: ܘܡܸܬܗܲܘܝܵܢܝܼܬܐ ܝܠܵܗ̇ ܒܢܵܝܬܐ ܕܚܲܕ ܟܘܼܢܵܫܵܐ ܬܲܓܵܪܵܝܵܐ ܒܝܵܬ ܕܘܼܟܵܐ ݂
التصوير: كنيسة مريم العذراء الطاهرة للسريان الكاثوليك المهدمة في بغداد. نيسان 2018 © ليث باسيل نالبنديان / ميزوبوتاميا
ܕܘܼܟܵܐ:
ܢܵܦܠܵܐ ܥܹܕܬܐ ܕܡܲܪܝܲܡ ܒܬܘܼܠܬܐ ܕܟ݂ܝܼܬܐ ܕܐ݇ܣܘܼܖ̈ܵܝܹܐ ܩܵܬ݂ܘܿܠܝܼܩܵܝܹ̈ܐ ܥܲܠ ܣܸܪܛܵܐ ܕ33 18 20 ݂ 33 ܓܲܪܒܝܵܐܝܼܬ: ܘܥܲܠ ܣܸܪܛܵܐ ܕ42 44 23 ݂ 44 ܡܲܕܢܚܵܐܝܼܬ: ܘܥܲܠ ܪܵܡܘܼܬܐ ܕ(44) ܡܝܼܬܖܹ̈ܐ ܡܼܢ ܫܲܘܝܘܼܬ݂ ܫܸܛܚܵܐ ܕܝܲܡܵܐ ܥܲܠ ܣܸܦܬܐ ܡܲܕܢܚܵܝܬܐ ܕܢܲܗܪܵܐ ܕܕܸܩܠܵܬ: ܓܲܘ ܡܲܫܪܝܼܬܐ ܕ(ܫܘܼܪܓ̰ܵܐ ـ ܥܲܩܕܸܠܢܲܨܵܪܵܐ): ܚܲܕ ܡܼܢ ܡܲܫܖ̈ܝܵܬܐ ܛܵܒ݂ ܥܲܬܝܼܩܹ̈ܐ ܕܓܲܘ ܒܲܓ݂ܕܵܕ: ܠܕܸܦܢܵܐ ܕܥܹܕܬܐ ܕܐܸܡܵܐ ܕܚܲܫܹ̈ܐ ܕܟܲܠܕܵܝܹ̈ܐ ݂
(ܥܲܩܕܸܠܢܲܨܵܪܵܐ): ܝܼܠܵܗ̇ ܚܕܵܐ ܡܲܫܪܝܼܬܐ ܛܵܒ݂ ܥܲܬܝܼܩܬܐ ܕܓܲܘ ܒܲܓ݂ܕܵܕ: ܐܲܝܟܵܐ ܕܲܚܝܹܐ ܠܗ݇ܘܿܢ ܒܚܲܕ ܙܲܒ݂ܢܵܐ ܐܲܠܦܵܝܹ̈ܐ ܕܝܼܩܖ̈ܵܬ݂ܐ ܡܫܝܼܚܵܝܵܬܐ ܡܼܢ ܟܠܲܝܗܝ ܥܹܕܵܬ̈ܐ ݂ ܘܩܵܐ ܡܛܵܝܵܐ ܠܗܵܕܹܐ ܡܲܫܪܝܼܬܐ: ܘܵܠܹܐ ܕܥܵܒ݂ܪܲܚ ܒܚܲܕ ܫܘܼܩܵܐ ܪܲܒܵܐ: ܕܟܹܐ ܟܵܒ݂ܫܝܼ ܬܲܓܵܖܹ̈ܗ ܠܟܠܲܝܗܝ ܕܘܼܟܵܢܹ̈ܐ ܣܦܝܼܩܹ̈ܐ ܕܐܝܼܬ ܡܲܫܪܝܼܬܐ ݂
نيسان 2018 © ليث باسيل نالبنديان / ميزوبوتاميا
ܚܲܕ ܪܦܵܦܵܐ ܬܲܫܥܝܼܬܵܢܵܝܵܐ:
ܡܲܕܟ݂ܸܪܲܚ ܒܐܝܼܬܘܼܬܐ ܕܐ݇ܣܘܼܖ̈ܵܝܹܐ ܩܵܬ݂ܘܿܠܝܼܩܵܝܹ̈ܐ ܓܲܘ ܒܲܓ݂ܕܵܕ ܡܼܢ ܕܵܪܵܐ ܕ(19) ݂ ܐܝܼܢܵܐ ܟܢܘܼܫܝܵܐ ܕܐ݇ܣܘܼܖ̈ܵܝܹܐ ܩܵܬ݂ܘܿܠܝܼܩܵܝܹ̈ܐ ܦܝܼܫܠܹܗ ܡܫܘܼܬܐܸܣܵܐ ܡܼܢ ܫܘܼܪܵܝܵܐ ܕܕܵܪܵܐ ܕܥܸܣܪܝܼܢ: ܒܵܬܲܪ ܓܘܼܢܚܹ̈ܐ ܕܐܲܒܝܼܕܘܼܬܐ ܟܢܘܼܫܝܵܝܬܐ ܠܫܲܖ̈ܒ݂ܵܬܐ ܡܫܝܼܚܵܝܵܬܐ ܕܐܵܖܸ̈ܡܢܵܝܵܐ ܘܐܵܬܘܿܖ̈ܵܝܹܐ ܘܟܲܠܕܵܝܹ̈ܐ ܘܐ݇ܣܘܼܖ̈ܝܵܝܹܐ: ܒܝܲܕ ܐܸܡܦܪܵܛܘܿܪܘܼܬܐ ܥܘܼܬ݂ܡܵܢܵܝܬܐ ܒܫܸܢܹ̈ܐ ܕ1915 ـ 1917 ݂ ܡܼܢ ܓܹܒܵܐ ܐ݇ܚܹܪ݇ܢܵܐ: ܝܬܸܒ݂ܠܗ݇ܘܿܢ ܘܲܫܟܸܢܘܼܢ ܪܵܒܵܐ ܐ݇ܣܘܼܖ̈ܵܝܹܐ ܩܵܬ݂ܘܿܠܝܼܩܵܝܹ̈ܐ ܒܓܲܪܒܝܵܐ ܕܥܝܼܪܵܐܩ: ܓܲܘ ܗܹܘܦܲܪܟܝܼܵܐ ܕܢܝܼܢܘܹܐ ܘܓܲܘ ܟܘܼܪܕܸܣܬܵܐܢ ܕܥܝܼܪܵܐܩ ܕܝܲܘܡܵܢܵܐ: ܟܲܕ ܫܒ݂ܝܼܩܹ̈ܐ ܠܦܸܢܝܵܬܐ ܖ̈ܝܼܦܵܝܹܐ: ܘܫܘܼܢܵܝܵܐ ܠܒܲܓ݂ܕܵܕ ܠܲܚܝܵܝܵܐ ܬܵܡܵܐ: ܐܲܝܟܵܐ ܕܩܲܡ ܓܵܪܫܵܐ ܠܗ݇ܘܿܢ ܡܕܝܼܢܵܝܘܼܬܐ ܘܫܘܼܘܫܵܛܵܐ ܐܸܩܢܘܼܡܝܼܵܝܵܐ ݂
ܒܫܲܢ݇ܬܐ ܕ1842 ܦܝܼܫܠܵܗ̇ ܡܫܘܼܬܐܲܣܬܐ ܗܵܝ ܡܲܪܥܝܼܬܐ ܩܲܕܡܵܝܬܐ ܠܐ݇ܣܘܼܖ̈ܵܝܹܐ ܩܵܬ݂ܘܿܠܝܼܩܵܝܹ̈ܐ ܓܲܘ ܒܲܓ݂ܕܵܕ: ܓܲܘ ܡܲܫܪܝܼܬܐ ܡܫܝܼܚܵܝܬܐ ܥܲܬܝܼܩܬܐ ܓܲܘ (ܥܲܩܕܸܠܢܲܨܵܪܵܐ) ݂
ܦܝܼܫܠܵܗ̇ ܒܢܝܼܬܐ ܥܹܕܬܐ ـ ܟܵܬܸܕܪܵܐܝܼܵܐ ܕܡܵܪܬܐ ܕܫܘܼܘܙܵܒ݂ܵܐ ܒܫܲܢ݇ܬܐ ܕ1968: ܘܲܚܙܹܐ ܠܵܗ̇ ܒܝܲܘܡܵܐ ܕ31 ܒܬܸܫܪܝܼܢ ܩܲܕܡܵܝܵܐ ܫܲܢ݇ܬܐ ܕ2010: ܚܲܕ ܓܘܼܢܚܵܐ ܪܲܒܵܐ ܒܲܨܦܵܚܬܐ ܪܗܝܼܒ݂ܵܝܬܐ ܒܦܲܫܡܘܼܬܐ (بشاعة) ܛܵܒ݂ ܪܲܒܬܐ: ܕܦܝܼܫܠܵܗ̇ ܥܒ݂ܝܼܕܬܐ ܕܲܠܩܘܼܒ݂ܠ ܡܫܝܼܚܵܝܹ̈ܐ ܓܲܘ ܥܝܼܪܵܐܩ ݂ ܒܗܿܝ ܕܩܝܼܡܠܵܗ̇ ܚܕܵܐ ܣܝܼܥܬܐ ܬܪܝܼܨܬܐ ܡܼܢ 5 ـ 15 ܖ̈ܗܝܼܒ݂ܵܝܹܐ ܫܸܚܬܵܢܹ̈ܐ ܡܼܢ (ܕܵܥܹܫ): ܒܲܥܒ݂ܵܕܬܐ ܕܚܲܕ ܓܘܼܢܚܵܐ ܟܘܿܡܵܐ ܐܲܘ ܣܝܵܦܵܐ (ܢܚܵܪܬܐ: مذبحة): ܕܲܢܦܸܠܠܹܗ ܓܵܘܹܗ (47) ܣܵܗܕܹ̈ܐ ܩܛܝܼܠܹ̈ܐ (ܡܼܢ ܫܲܒ݂ܖܹ̈ܐ ܘܢܸܫܹ̈ܐ ܘܓܲܒ݂ܖܹ̈ܐ): ܘܥܸܣܖ̈ܵܝܹܐ ܕܲܨܠܝܼܦܹ̈ܐ ݂ ܢܦܸܠܠܗܘܿܢ ܘܲܢܬܸܪܘܼܢ ܫܠܲܕܹ̈ܐ ܣܕܝܼܩܹ̈ܐ ܥܲܠ ܐܲܪܥܵܐ ܘܲܒܟܠ ܕܘܼܟܵܐ ݂ ܓܘܼܕܵܢܹ̈ܐ ܕܥܹܕܬܐ ܡܸܠܝܹ̈ܐ ܗ݇ܘܵܘ ܒܸܙܥܵܙܹ̈ܐ ܕܓܘܼܠܠܹ̈ܐ ܘܐܲܬ݂ܖܹ̈ܐ ܕܲܦܩܵܥܝܵܬܹ̈ܐ ݂ ܝܼܗ݇ܘܵܐ ܚܲܕ ܓܘܼܢܚܵܐ ܠܵܐ ܡܸܬܗܲܘܢܵܢܵܐ: ܘܠܵܐ ܐܵܬܹܐ ܠܲܡܗܲܝܡܘܿܢܹܐ[1] ݂
ܡܗܘܼܕܹܐ ܠܵܗ̇ ܗܵܕܹܐ ܨܦܵܚܬܐ ܓܘܼܢܚܵܝܬܐ: ܠܲܚܕܵܐ ܥܝܼܪܘܼܬܐ ܬܹܒܹܠܵܝܬܐ ܒܘܼܕ ܓܙܵܡܹ̈ܐ ܘܓܘܼܢܚܹ̈ܐ ܘܲܖ̈ܕܘܼܦܝܹܐ ܕܒܐܝܼܬܵܝܵܐ ܝܠܲܝܗܝ ܒܪܹܫ ܡܫܝܼܚܵܝܹ̈ܐ ܥܝܼܖ̈ܵܩܵܝܹܐ ܥܲܠ ܐܝܼܕܵܬܐ ܕܚܲܕܟܡܵܐ ܣܝܼܥܵܬ̈ܐ ܐܸܣܠܵܡܵܝܹ̈ܐ ܥܝܼܖ̈ܵܩܵܝܹܐ ܕܡܵܦܝܵܐ ݂
__________
[1] ܠܦܘܼܬ݂ ܡܫܲܡܗܘܼܬܐ ܕܐܲܒ݂ܵܐ ܦܝܼܝܘܿܣ ܩܵܫܵܐ: ܡܸܢܕܝܼ ܕܩܲܡ ܐܵܡܹܪܹܗ ܓܲܘ ܚܲܕ ܟܬܵܒ݂ܵܐ ܡܼܢ (666) ܦܵܬܘܵܬܐ: ܘܩܲܡ ܝܵܗܹܒ݂ܠܹܗ ܠܦܵܦܵܐ ܒܲܢܕܝܼܟܸܬ ܫܬܝܼܬܵܝܵܐ ܒܝܘܿܡ 12 ܒܟܵܢܘܿܢ ܬܪܲܝܵܢܵܐ 2012 ݂
نيسان 2018 © ليث باسيل نالبنديان / ميزوبوتاميا
نيسان 2018 © ليث باسيل نالبنديان / ميزوبوتاميا
ܐܸܣܛܘܼܟ݂ܣܹ̈ܐ ܕܲܫܪܵܝܵܐ ܕܝܼܡܘܿܓ݂ܪܵܦܵܝܵܐ (ܝܘܼܠܦܵܢ ܥܵܡܘܿܖܹ̈ܐ):
ܡܼܢ ܩܕܵܡ ܨܦܵܚܬܐ ܕ31 ܒܬܸܫܪܝܼܢ ܩܲܕܡܵܝܵܐ 2010: ܦܪܸܣܠܵܗ̇ ܠܵܐ ܫܲܝܢܘܼܬܐ ܘܙܝܼܕܠܵܗ̇: ݂ ܘܥܲܡ ܗܵܕܹܐ: ܐܝܼܬ ܗ݇ܘܵܐ 5000 ܐܲܠܦܹ̈ܐ ܝܼܩܖ̈ܵܬ݂ܐ ܕܟܹܐ ܐܵܬܝܼ ܗ݇ܘܵܘܘ ܠܟܵܬܸܕܪܵܐܝܼܵܐ ܕܡܵܪܬܐ ܕܫܘܼܘܙܵܒ݂ܵܐ: ܘ7000 ܐܲܠܦܹ̈ܐ ܠܥܹܕܬܐ ܕܡܵܪܝ ܒܸܗܢܵܡ: ܘ2000 ܐܲܠܦܹ̈ܐ ܠܥܹܕܬܐ ܕܩܲܕܝܼܫܵܐ ܝܲܘܣܸܦ ݂ ܘܲܟܢܝܼܫܵܐܝܼܬ: ܡܵܨܹܝܚ ܕܡܵܢܹܝܚ 14000 ܐܲܠܦܹ̈ܐ ܝܼܩܖ̈ܵܬܐ ܕܐ݇ܣܘܼܖ̈ܵܝܹܐ ܩܵܬ݂ܘܿܠܝܼܩܵܝܹ̈ܐ ܓܲܘ ܒܲܓ݂ܕܵܕ ݂ [1]
ܠܵܐ ܟܠܹܐ ܠܹܗ ܬܪܵܥܵܐ ܕܕܸܡܵܐ (النزيف) ܕܝܼܡܘܿܓ݂ܪܵܦܵܝܵܐ ܡܼܢ ܥܸܕܵܢܵܐ ܕܗܵܝ ܨܦܵܚܬܐ: ܘܲܒܫܲܢ݇ܬܐ ܕ2018 ܠܲܝܬ ܗ݇ܘܵܐ ܝܲܬܝܼܪ ܡܼܢ 1000 ܝܼܩܖ̈ܵܬܐ ܓܲܘ ܗܵܠܹܝܢ ܬܠܵܬ ܥܹܕܵܬܐ ܕܐ݇ܣܘܼܖ̈ܵܝܹܐ ܩܵܬ݂ܘܿܠܝܼܩܵܝܹ̈ܐ ܓܲܘ ܒܲܓ݂ܕܵܕ ݂
ܗܘܹܐ ܠܹܗ ܐܲܡܝܼܢܵܐ ܗܵܢ ܡܲܫܩܠܵܐ (المنفى) ܒܥܸܠܬܐ ܕܲܙܕܘܿܥܬܐ ܕܲܦܪܸܣܠܵܗ̇ ܗܵܫܵܐܝܼܬ ݂ ܨܦܵܚܬܐ ܕܐܬܹܐ ܠܵܗ̇ ܠܐܝܼܬܘܼܬܐ ܓܲܘ ܥܹܕܬܐ ܕܡܵܪܬܐ ܕܫܘܼܘܙܵܒܹܵܐ: ܝܼܠܵܗ̇ ܚܲܕ ܛܦܵܚܵܐ (صدمة) ܕܠܵܐ ܝܠܵܗ̇ ܡܸܬܗܲܘܝܵܢܬܐ ܙܟܵܝܵܐ ܥܲܠܠܵܗ̇: ܘܝܼܠܵܗ̇ ܚܲܕ ܓܘܼܢܚܵܐ ܕܪܵܒܵܐ ܪܸܚܩܵܐ ܝܠܹܗ ܡܼܢ ܟܠ ܨܲܠܡܲܢܬܐ ݂
__________
[1] ܡܲܒܘܼܥܵܐ: ܦܝܼܝܘܿܣ ܩܵܫܵܐ ݂
نيسان 2018 © ليث باسيل نالبنديان / ميزوبوتاميا
نيسان 2018 © ليث باسيل نالبنديان / ميزوبوتاميا
نيسان 2018 © ليث باسيل نالبنديان / ميزوبوتاميا
نيسان 2018 © ليث باسيل نالبنديان / ميزوبوتاميا
ܬܲܫܥܝܼܬܐ ܕܲܒܢܵܝܵܐ ܥܹܕܬܐ ܕܡܲܪܝܲܡ ܒܬܘܼܠܬܐ ܕܟ݂ܝܼܬܐ ܕܐ݇ܣܘܼܖ̈ܵܝܹܐ ܩܵܬ݂ܘܿܠܝܼܩܵܝܹ̈ܐ ܓܲܘ ܒܲܓ݂ܕܵܕ:
ܦܝܼܫܠܵܗ̇ ܡܫܘܼܬܐܲܣܬܐ ܥܹܕܬܐ ܩܲܕܡܵܝܬܐ ܕܐ݇ܣܘܼܖ̈ܵܝܹܐ ܩܵܬ݂ܘܿܠܝܼܩܵܝܹ̈ܐ ܓܲܘ ܒܲܓ݂ܕܵܕ ܒܫܲܢ݇ܬܐ ܕ1842 ݂ ܘܟܲܕ ܪܵܒܵܐ ܙܥܘܿܪܬܐ ܝܗ݇ܘܵܐ: ܦܝܼܫܠܗ݇ܘܿܢ ܙܒ݂ܝܼܢܹ̈ܐ ܚܲܕܟܡܵܐ ܐܲܖ̈ܥܵܬܹܐ ܘܒܵܬܹ̈ܐ ܫܒ݂ܵܒܹ̈ܐ ܠܥܹܕܬܐ: ܠܲܒܢܵܝܵܐ ܥܹܕܬܐ ܚܕܲܬܐ ܕܡܲܪܝܲܡ ܒܬܘܼܠܬܐ ݂ ܡܫܘܼܪܹܐ ܠܹܗ ܒܸܢܝܵܢܵܐ ܒܝܲܘܡܵܐ ܕ20 ܒܟܵܢܘܿܢ ܬܪܲܝܵܢܵܐ ܕܫܲܢ݇ܬܐ ܕ1862: ܘܲܦܪܸܩܠܹܗ ܒܝܲܘܡܵܐ ܕ6 ܒܟܵܢܘܿܢ ܩܲܕܡܵܝܵܐ ܡܼܢ ܝܵܬ ܫܲܢ݇ܬܐ ݂
ܘܦܝܼܫܠܵܗ̇ ܣܝܼܡܬܐ ܒܝܲܕ ܐܲܦܸܣܩܘܿܦܵܐ ܐܲܬ݂ܢܵܣܝܘܿܣ ܪܘܼܦܵܐܹܝܠ ܓ̰ܝܼܪܟ݂ܝܼ: ܐܲܦܸܣܩܘܿܦܵܐ ܩܲܕܡܵܝܵܐ ܕܥܹܕܬܐ ܕܐ݇ܣܘܼܖ̈ܵܝܹܐ ܩܵܬ݂ܘܿܠܝܼܩܵܝܹ̈ܐ ܓܲܘ ܒܲܓ݂ܕܵܕ: ܘܦܝܼܫܠܵܗ̇ ܦܬܝܼܚܬܐ ܥܹܕܬܐ ܕܡܲܪܝܲܡ ܒܬܘܼܠܬܐ ܕܟ݂ܝܼܢܬ ܒܝܲܘܡܵܐ ܕ8 ܒܟܵܢܘܿܢ ܩܲܕܡܵܝܵܐ ܫܲܢ݇ܬܐ ܕ1862: ܝܲܘܡܵܐ ܕܲܒܛܝܼܢܘܼܬܐ ܕܠܵܐ ܡܘܼܡܵܐ ݂
نيسان 2018 © ليث باسيل نالبنديان / ميزوبوتاميا
نيسان 2018 © ليث باسيل نالبنديان / ميزوبوتاميا
ܡܫܲܡܗܘܼܬ݂ ܘܲܬܠܝܼܚܘܼܬ݂ ܥܹܕܬܐ ܕܡܲܪܝܲܡ ܒܬܘܼܠܬܐ ܕܟ݂ܝܼܬܐ ܕܐ݇ܣܘܼܖ̈ܵܝܹܐ ܩܵܬ݂ܘܿܠܝܼܩܵܝܹ̈ܐ ܓܲܘ ܒܲܓ݂ܕܵܕ:
ܥܲܣܩܵܐ ܝܠܵܗ̇ ܐܸܕܝܘܿܡ ܡܫܲܡܗܘܼܬܐ ܕܥܹܕܬܐ ܕܡܲܪܝܲܡ ܒܬܘܼܠܬܐ ܕܟ݂ܝܼܬܐ: ܒܗܿܝ ܕܦܝܼܫܠܵܗ̇ ܬܠܝܼܚܬܐ ܒܚܘܼܬܵܡܵܐ ܕܝܲܪܚܵܐ ܕܟܵܢܘܿܢ ܩܲܕܡܵܝܵܐ ܡܼܢ ܫܲܢ݇ܬܐ ܕ2018 ݂
ܒܕܲܥܒܲܪ: ܝܼܗ݇ܘܵܐ ܒܲܕܡܘܼܬ݂ ܚܲܕ ܒܸܢܝܵܢܵܐ ܕܡܝܼܪܵܐ ܡܬܘܼܪܨܵܐ ܡܼܢ ܟܹܐܦܵܐ ܕܐܵܓ݂ܘܿܪܵܐ ܡܨܲܒܬܐ: ܘܲܦܪܝܼܫܵܐܝܼܬ ܒܪܹܫ ܡܲܕܒܚܵܐ ܪܲܒܵܐ ܘܡܲܕܒܚܹ̈ܐ ܙܥܘܿܖܹ̈ܐ ܕܐܝܼܬ ܗ݇ܘܵܐ ܓܹܒ ܡܲܥܒܖܹ̈ܐ ݂ ܦܝܼܫܠܹܗ ܡܬܘܼܪܨܵܐ ܬܲܪܥܵܐ ܩܸܢܛܪܘܿܢܵܝܵܐ ܩܲܝܣܵܝܵܐ ܓܠܝܼܦܵܐ: ܓܲܘ ܐܲܬ݂ܪܵܐ ܕܗܸܢܕܘܿ ݂
ܡܼܢ ܒܵܬܲܪ ܫܒ݂ܵܩܬܐ ܕܐ݇ܣܘܼܖ̈ܵܝܹܐ ܩܵܬ݂ܘܿܠܝܼܩܵܝܹ̈ܐ ܠܗܵܕܹܐ ܡܲܫܪܝܼܬܐ ܥܲܬܝܼܩܬܐ: ܘܲܪܚܵܫܬܲܝܗܝ ܠܨܘܿܒ ܡܲܫܪܝܼܬܐ ܚܕܲܬܐ ܕ(ܟܲܪܵܕܵܐ): ܦܝܼܫܠܵܗ̇ ܡܘܼܗܡܲܝܬܐ ܥܹܕܬܐ ܕܡܲܪܝܲܡ ܒܬܘܼܠܬܐ ܕܟ݂ܝܼܬܐ: ܘܲܣܪܹܐ ܠܗ݇ܘܿܢ ܐܲܝܟܲܢܘܵܬܵܗ̇ ܕܪܝܼܓ݂ܵܐܝܼܬ ݂
ܬܠܸܚܠܹܗ ܩܪܵܫܵܗ̇ ܓܡܝܼܪܵܐܝܼܬ: ܘܦܝܼܫܠܗ݇ܘܿܢ ܒܲܠܚܘܿܕ ܓܘܼܕܵܢܹ̈ܐ ܚܖ̈ܝܼܒܹܐ: ܘܦܝܼܫܠܵܗ̇ ܡܙܘܼܒܲܢܬܐ ܥܹܕܬܐ ݂ ܒܚܘܼܬܵܡܵܐ ܕܟܵܢܘܿܢ ܩܲܕܡܵܝܵܐ ܡܼܢ ܫܲܢ݇ܬܐ ܕ2018: ܦܝܼܫܠܵܗ̇ ܬܠܝܼܚܬܐ ܥܹܕܬܐ ܒܵܬܲܪ ܥܒ݂ܵܪܬܐ ܕ156 ܫܸܢܹ̈ܐ ܥܲܠ ܦܘܼܬܵܚܵܗ̇: ܘܡܸܬܗܲܘܝܵܢܝܼܬܐ ܝܠܵܗ̇ ܒܢܵܝܬܐ ܕܚܲܕ ܟܘܼܢܵܫܵܐ ܬܲܓܵܪܵܝܵܐ ܒܝܵܬ ܕܘܼܟܵܐ ݂
نيسان 2018 © ليث باسيل نالبنديان / ميزوبوتاميا
نيسان 2018 © ليث باسيل نالبنديان / ميزوبوتاميا
Monument's gallery
Contribuez à la sauvegarde de la mémoire des monuments.
Photos de famille, vidéos, témoignages, partagez vos documents pour enrichir le site.
Je participe